阿正失控大跳折骨舞 搞到「折骨Ben」反晒白眼

無眼睇！

ViuTV選秀節目《全民造星IV》播咗兩個星期，第一輪囡囡仲未出晒嚟，呢兩集見到啲囡囡、導師同花姐（黃慧君）都恰晒眼瞓，回憶返晒嚟，因為以往三屆嘅第一輪都係馬拉松式進行。上屆《造星III》冠軍「折骨Ben」趙祥誠（Ben）簽咗寰亞，但唔覺眼有咩演藝方面嘅工作，但廣告係唔少嘅，不過而家有樣好，就係你冇Job咩？都仲有社交平台可以畀你曝吓光。

阿Ben透露目前有上堂學唱歌。

開始嘞。

對於阿正嘅折骨舞跳成點?阿Ben用眼神答你。

其實阿Ben個IG幾好睇，因為有好多跳舞片，有時自己跳有時同人夾嚟跳，可觀性好高，最新有佢同阿正（黃正宜）一齊跳折骨舞，你冇睇錯，係《膠戰》嗰個阿正，佢都識跳折骨舞?總之阿Ben就跳到反晒白眼，睇片啦。

阿正極速失控。

阿Ben已無眼睇。

阿正似打緊螳螂拳。

吳浩康、阿正、舒文樂出席《The Singleton Just Sing》記者會

源於1838年的The Singleton為知名蘇格蘭威士忌品牌，多年支持香港音樂會事業，除贊助不少音樂節活動外，亦支持香港音樂發展，近日全力支持耀榮文化舉行《The Singleton Just Sing》歌唱比賽，發掘樂壇超新星。於2024年4月11日，吳浩康、阿正、舒文樂出席《The Singleton Just Sing》記者會，吳浩康表示近日工作忙碌，感謝老闆願「夾期」開工：「最近都多翻好多工作，多謝咁多客戶支持、網民每一個Like！（日期地盤火災，家人擔心？）地盤好多意外潛伏，每日返工都唔係講玩，家人都知地盤危險，佢地一早都擔心咗。」

合照

吳浩康表示近日工作忙碌，感謝老闆願「夾期」開工

而電台節目主持阿正就話自己鍾意同閨蜜飲兩杯， 不過自爆酒量「麻麻地」：「 因為我平時都要做司儀，要長期保持清醒都唔敢飲，所以返到屋企先至會同啲朋。」不過講到阿正至愛嘅Jeffrey 魏浚笙，阿正話見到Jeffrey「自帶酒精效果」，望住佢長期都「暈暈哋」好有魔力，但坐對方座駕就會即時酒醒：「如果喺坐Jeffrey嘅車就冇酒醉感，反而係清醒咗，因為危機意識好強，要掹大眼睇清楚周圍，可能會喺最後一秒睇到呢個世界。 」

電台節目主持阿正就話自己鍾意同閨蜜飲兩杯

音樂監製人舒文樂見新人湧現，坦言要新血令樂壇添朝氣：「每個人的聲線都有不同的特質，我盼活動為樂壇找到新血，上去舞台放鬆去唱、享受當下最重要。」至於音樂人係咪大部份都會鍾意飲酒? 舒文話大部份音樂人都係唔清醒嘅，因為喺唔清醒狀態表現係最好，而音樂係潛意識，要用盡方法將理性抹走，而好味嘅酒精係幫助到。

音樂監製人舒文樂見新人湧現，坦言要新血令樂壇添朝氣