12月再開騷。
唱作人Serrini（梁嘉茵）繼今年4月於旺角麥花臣、6月在九展Star Hall舉行共六場演唱會好評如潮，兩次演出門票均在開售時秒殺。因此Serrini與主辦KKLIVE宣布將於12月22至25日在西九文化區戲曲中心茶館劇場舉辦《SERRINI TREE BALL BALL - X MAS 2021》，活動收入扣除製作及場地成本後會撥入「梁嘉茵獎學金」。
12月再開騷。
6月在九展舉行的演唱會大獲好評。
今次演出由著名音樂人孔奕佳擔任音樂總監，Serrini直言喜歡與聽眾直接交流的感覺，但她卻選擇座位只有一百多個的小場地舉行，她呼籲入場觀眾：「繽紛華衣美服投入盛會，去Ball就要你眼望我眼。」飽讀詩書的她解釋是次活動的服飾參考自《文選．張平子《南都賦》》裏形容東漢繁華古都南陽的一句「男女姣服，駱驛繽紛」。
Serrini為演出精心挑選的溫柔作品，將會重新作華麗編曲。
自6月演唱會開創售票先河，幽默搞鬼的Serrini要求入場觀眾經過考試，考獲高分的高材生才可購票。因今次演出座位極之有限，為了讓fans可以極近距離欣賞演出，所以特設「樹波Ball姣試」卷一及卷二，將入場機會留給最後通過兩份試卷的「超級狀元」。題目除了關於歌曲作品及演出外，更有充滿挑戰性又搞笑的問題，不過想免試仍有近2萬元的貴價版「鑽石級總理門票」。
Serrini與Fans過聖誕，不過買飛時要考試接受挑戰。
麗英成功追星！
麗英2024年首支派台歌《美男子圖鑑》日前於各大音樂平台上架—新歌由梁嘉茵（Serrini）填詞、Matt Chow 作曲、編曲及 T-Ma 監製。新歌邀請到麗英偶像MIRROR成員陳卓賢（Ian）聲演，除了讓麗英非常興奮，相信不少粉絲亦驚喜萬分！麗英希望歌曲以追星比喻追尋愛情，期盼大家坦率地勇於追尋！
麗英推出2024年首支派台歌《美男子圖鑑》
以追星喻追尋愛情
創作靈感源於麗英過往追星的個人經歷
麗英她笑言私人美男子圖鑑的「內容太多」
《美男子圖鑑》創作靈感源於麗英過往追星的個人經歷：「喺追星嘅過程挑選自己喜歡嘅偶像，同唔同的人約會都有相似嘅地方。就好似打開美男子圖鑑，喺愛情森林裏面挑選適合自己喺大樹，花多眼亂、三心兩意。擇偶條件有好多，但符合所謂條件後，就係自己想要嘅愛情嗎？其實我們嘅選擇可以有好多，唔需要太擔心或被條件限制著自己嘅選擇，建立關係應該要開放自己嘅心去跟別人相處！」麗英認為在探索的過程當中，最重要是用心去感應：「當你鍾意咗個人，即使佢唔靚仔，佢亦都會係你心目中嘅美男子！希望大家都可以搵到自己嘅美男子！」
麗英邀得偶像陳卓賢（Ian）聲演
歌曲其中一個驚喜是找來麗英的偶像Ian聲演，她難掩興奮之情表示自己終於願望成真：「首歌入面好Sweet嗰把男聲就係我偶像Ian啦！佢一直都係我非常欣賞的男藝人，以往所有訪問我都表示最想合作嘅男藝人就係Ian。佢絕對係一個非常有才華嘅美男子，所以佢絕對好適合呢首歌，呢個角色係非佢莫屬！我真係好開心同Surprise 可以搵到佢參與，因為當時佢都忙緊演唱會，所以我真係好感謝佢百忙之中抽空幫忙！」
麗英希望大家可以找到自己的美男子
談到麗英的私人美男子圖鑑，她笑言「內容太多」，未能盡說：「如果單憑外表判斷，真係好難講一個候選人，因為有太多！但除咗外在條件，如果嗰位美男子都有一顆溫柔嘅心、同時亦都係一個善良嘅人，咁就絕對係非常加分！如果係美男子，再加上呢兩個特質，其實已經係最 top！希望大家都可以發掘適合自己嘅美男子，期待大家再同我分享！」
