*

【台慶】分享求婚過程 張秀文提未婚夫即甜笑

再一次恭喜秀文!

一年一度的TVB盛事《萬千星輝賀台慶》今晚(19日)隆重舉行,日前宣布獲拍拖一年多的金融才俊男友王大權(Billy)求婚成功的張秀文以低胸禮服性感現身,並多謝大家對她的祝福。

網上圖片

提到拍拖以來一直都好低調,秀文笑言一直都是低調的人,而且不習慣放閃,加上和未婚夫拍拖以來都是在疫情期間,所以沒有去旅行又沒有太多活動,見面都只是去食飯睇電影。問到最鍾意未婚夫哪方面,秀文甜笑的大讚未婚夫對朋友好、工作認真、有上進心,同時性格又不沉悶,喜歡運動和音樂,生活上是非常好的伴侶。

本網記者攝

問到未婚夫的求婚過程,秀文透露:「其實佢求婚係好簡單,無話好特別,但佢係一個唔浪漫嘅人,所以我覺得佢已經好盡力去花心思......起碼自己去佈置下啲汽球,跟住亦都有搵到Louis Yan(甄澤權)去學咗啲魔術咁樣囉,所以嗰晚其實佢同我講咗好多嘢,又係度攞啲啤牌吖,又係度講啲奇奇怪怪嘅嘢,原來佢係想求婚!」求婚過程雖然不算浪漫,但秀文都好感動,因為她沒有心理準備,而且看得出未婚夫有用心去準備,所以自然好感動!

- 閱讀更多 -

往下看更多文章