張智霖囝囝每周有新帖 晒與Tube Top美少女遊樂園

張智霖（Chilam）與袁詠儀（靚靚）的兒子張慕童（魔童）本月12日剛踏入15歲生日，Chilam和靚靚近年已大大減少讓他露面，靚靚今年在社交網祝賀都只晒阿仔BB萌照。

魔童好受女同學歡迎。

15歲仔仍然有童真。

大個仔的魔童有自己的社交圈，他早前把IG舊Post刪掉，只餘下今年母親節貼上與媽咪的背影照，然後生日就在限時動態上載朋友仔為他慶祝的片段，全部都戴有口罩；之後再有一段他終於沒戴口罩切蛋糕片，但因為燈光太暗始終看不清他的靚仔樣。

魔童一周前上載生日切蛋糕片段。

同學仔都是外籍人士。

在ig簡介寫上「每周有新帖」的魔童，相隔一周果然更新了他跟同學仔去主題公園遊玩照，戴住口罩的魔童跟外籍同學齊戴米妮頭飾開心合照，鬈頭髮與笑起來彎彎的眼睛有點似混血兒，比小時候更帥氣。其中一張魔童與穿Tube Top美少女合照，有網民問是否他女友？

大個仔後的魔童難得露面。

以前已經好靚仔。

魔童大個仔跟同學仔去玩了。

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。