直認恨拍電影 Ian唔介意零片酬同劉青雲合作

Ian自言如果見到劉青雲，應該會開心到唔識反應！

MIRROR成員陳卓賢（Ian）今日（21日）出席活動，剛巧撞正隊友盧瀚霆（Anson Lo）同時間舉行電影《假冒女團》首映禮，不過卻沒有被分薄「鏡粉」的人數及支持，吸引逾500多位Hellosss（粉絲暱稱）圍觀，相當熱鬧。

Hellosss把現場迫得水洩不通。

Ian今日出活動，大批Hellosss到場支持。

談到與Anson Lo「打對台」，Ian即說：「首先要恭喜佢，呢部係佢第一部電影，好戥佢開心，我都會支持捧場，亦好開心每個成員開始各有自己嘅工作，甚至可能喺同一日內大家有唔同嘅工作，真係百花齊放，大家會互相支持同開心，所以唔係咩是打對台。」可會接受到如Anson Lo一樣，在戲中犧牲型仔形象反串扮索女？Ian表示：「即使男扮女都唔算係自毁形象，雖然大家可能覺得我哋有偶包，但為咗角色及喜劇嘅需要，都係要付出。」

Ian表示會支持Anson Lo的處男電影。

坦認都好想有拍電影的機會。

有傳Ian接拍驚慄喜片《死屍死時四十四》，但他表示仍未有收到通知，但承認很想進軍大銀幕；並希望處男電影是動作片，因自小已覺拍動作片很有型，加上一直有打籃球，對於手腳協調方面也有信心。談到最想合作的藝人？Ian謂：「有好多前輩都想合作，當中最希望合作嘅係劉青雲，因為聽好多片場前輩講，劉青雲為人好冷靜，每一刻都構思劇情、好認真對待每一個細節，並且佢拍嘅戲都好有型，好想跟前輩學習，如果有機會，零片酬我都願意。但可惜至今連見面嘅機會都未有，好想同呢位前輩見面，相信我如果見到我應該會開心到唔識反應！」

Ian希望有機會跟劉青雲合作，大讚他十分有型。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。