冇信心新戲票房過千萬 Anson Lo自嘲反串扮金髮索女好核突

Anson Lo感謝粉絲支持。

MIRROR成員盧瀚霆（Anson Lo、教主）首套擔正做男主角的電影《假冒女團》，今日（21日）舉行首映禮，有份演出的蘇皓兒（Chole）、陳紫萱、李靜儀（Heidi）、李忻頣（Alina）、ERROR的郭嘉駿（193）等亦有出席，大批穿着粉紅色T恤的「神徒」（AL歌迷暱稱）到場支持教主，當中有人早上6點已到場外霸靚位，為求霸得最佳位置一睹偶像風采。

Anson Lo今日跟一眾女角出席新戲首映禮。

幾位主角一同主持儀式。

現場迫滿神徒，現場一片粉紅色。

有份演出的193（右）亦有出席首映。

中Anson Lo有多個不同造型，其中一個是反串扮金髮索女，他坦言起初擔心會太過嚇人，而最深刻是跟譚耀文對戲時，對方竟然大讚他好靚女，但他笑言：「好核突。」可有信心新戲有千萬票房？Anson Lo坦言沒有：「人生首次拍電影唔敢奢望成績，大家願意入場睇已經好開心。」有不少「神徒」包場支持，Anson Lo坦言感謝粉絲支持。

又直言自己反串扮索女好核突。

雖然身為男主角，但坦言對票房過千萬冇信心。

提到有贊助商推出首映禮套票，但竟有人將首映禮門票抽出來放上網炒賣，售價由1,000元到3,000元不等，Anson Lo表示：「呢樣真係唔清楚，但都唔係第一次發生（指炒飛）。」亦有合作的美容店推出價值28,000元首映禮品套裝，有人投訴價錢太貴，Anson Lo則指粉絲要自己衡量能否負擔得來，其實除了首映禮，平時入場支持也可以。

教主向在場神徒派心心。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。