「進擊始祖」光臨《男神廚房》 伍詠薇搞笑生擒眾男神

伍姑娘好一定開心～

《男神廚房》今晚（22日）播出的第十集絕對能以「相當精彩」形容，皆因遇親猛男都要搵氧氣筒兼反眼的伍詠薇（伍姑娘）將與名模周汶錡大駕光臨，出名進擊的伍姑娘更施展渾身解數「生擒」一眾男神，意想不到的招數配以招牌興奮表情！

伍姑娘出場時好優雅。

其實佢本身都係熱情嘅人，睇吓佢攬得Do姐幾實。

佢嘅開心似乎感染埋身旁嘅周汶錡。

是集請來的男神相當厲害，除了睇得、煮得又talk得，仲要位位都係大隻仔，分別是「武打男神」伍允龍、「校草男神」張馳豪（Aska）、「雞檔男神」李創偉（Catry）及「為食男神」林德信。四名猛男一出場，伍姑娘即時有反應，一來便向出名身手了得的伍允龍埋手，肆意探索其腹肌，更要不顧儀態地蹲在台上，真我個性盡表現！

今次呢輪嘅男神有伍允龍。

林德信

張馳豪

Catry

之後，當四名猛男進入狀態，配合大會主題炮製「雞鴨鵝」菜式時，伍姑娘又再出招，除了與伍允龍及Catry玩身貼身外，更「練」爆德信麒麟臂，配以一副肉緊表情，氣氛既熾熱又搞笑。試食期間，Hyper的伍姑娘更與Catry激情共舞，期間不但瘋狂自轉，更數度投懷送抱兼「高潮眼」，進擊的始祖果然寶刀未老！

伍姑娘出擊！佢係咁探索伍允龍腹肌，呢個畫面有冇少少似曾相識？

伍姑娘對林德信嘅粗壯臂彎好有興趣。

佢幫Catry按摩咁細心？

佢又同伍允龍咬耳仔，仲唔係全部「零距離」接觸？

據知今集試食環節亦同樣是有史以來最精彩，未知是否受伍姑娘感染，男神們先後大晒武功及瑜伽絕技，至於看似「技遜一籌」的Aska則出動溫柔招數餵食伍姑娘，同樣令伍姑娘暈得一陣陣。

伍姑娘跳舞跳得好陶醉。

說回本集原本的四位主角，四名猛男下廚時各有特色，Catry在斬鴨環節雖然一枝獨秀，可惜到正式落鑊時卻相當有嫌疑，廚房傳出陣陣怪味，連對他甚為嗒糖的伍姑娘亦冇面畀忍唔住皺眉；至於林德信則堪稱史上最專注，見他為了幫雞翼拆骨，埋首苦幹了差不多大半集節目，當其他參賽者「營營役役」時，他依然堅持做低頭族搏命起骨，細心度可見一斑。至於伍允龍及Aska則有姿勢兼有實際，感覺似是有料之人。

做得「雞檔男神」，斬鴨零難度啦！

今集搞笑嘅係，Do姐眾人先懷疑張馳豪係「處男廚神」。

點知睇睇吓唔對路！覺得Catry得個勢，煮餸應該唔掂。

Catry煮嘅嘢食一陣怪味，令到大家都驚訝到「講不出說話」。

林德信搞雞翼搞咗好耐。

伍允龍嘅成品應該夠晒入味。

三大玄學師聯手，Depp催運旺財，慧慧施法促感情，裸泳扮靚開運有根據！

踏入甲辰龍年，最大件事就係「行九運」，20年一轉的地運，影響家庭、事業、健康，就連香港運勢都被牽動。有個好開頭比甚麼都強。今晚年初三（12日）J2（82台）推出全新風水命理節目《Cashing Pro私人貸款呈獻︰2024開運救兵》，一連10集逢周一至周五，每晚8點半播映。節目由兩位J2ers黃紫恩（Jojo）、陳國麟（Doniven）主持。請來三位不同領域獨當一面的玄學師助陣，包括「地運風水師」Depp、「女巫公主」慧慧及「命運占卜師」裸泳組成「開運兵團」，幫觀眾新年行好運。

《2024開運救兵》今晚（12日）首播。

一連10集的《2024開運救兵》順序登場嘉賓，分別有伍姑娘伍詠薇、歌手伍富橋及太太梁兆楹（Shirley）、歌手陳慧敏、黃美棋BB、黃建東、連詩雅、周吉佩、坤哥吳業坤、關楚耀及譚凱琪。三位玄學師會組成「開運兵團」施展「家居風水大法」、「開運魔法」、「潮流開運攻略」，務求令嘉賓運氣更上一層樓，觀眾亦可從中得益。

（左起）裸泳師傅、Doniven、伍詠薇、Jojo、Depp師傅及慧慧師傅。

今晚（12日）一集主題「財運level up」絕對不可以錯過，率先登場的是紅運當頭的伍姑娘。Depp師傅講到今年正財及偏財位在香港東北及西北兩處，他指伍姑娘身邊不單多貴人，還有10年大運行，伍姑娘喜出望外說︰「我幾十歲仲有10年運行，我住嗎3新界區都應該算北。」她又自爆賭博中只懂台灣牌，並且經常贏錢，她笑說︰「打牌有啲小運，永遠幾爛嘅牌，到最後我都會摸到好靚。啲朋友發現我潛力就成日搵我夾份打。試過最多贏5萬幾蚊，傻人有傻福，係爭六合彩未中。」節目中慧慧師傅會教大家製作「魔法聚財箱」，一聽就知是居家必備。裸泳師傅講到伍姑娘露前額的新髮型配上鮮紅的打扮，是催運的絕佳配搭，因為今年行運招財顏色是紅、橙及明亮眼顏色，想知更多行運秘技，密切留意節目播出。

今晚一集嘉賓伍詠薇。

伍詠薇祈求新年財運可以升級。

Doniven成日講錯說話被伍詠薇「打」。

Depp師傅批伍詠薇桃花旺有正財、偏財運。

伍詠薇自言不曉打牌，但最多贏過5萬元。

慧慧師傅教伍詠薇自製聚財箱。

裸泳師傅建議伍詠薇多穿鮮色衫催財。

明晚（13日）一集主題是「夫妻事務所」，嘉賓是有「億萬駙馬」之稱的歌手伍富橋（Alvin）及太太梁兆楹（Shirley）。在熱身的「快問快答」環節中二人心有靈犀，非常清楚對方喜好，Alvin更被太太踢爆口頭禪是「老婆呀」，Shirley埋怨說:「佢每日都講成百次，我啲朋友都話佢煩。」似在抱怨但語氣卻滿心歡喜，擺明公然放閃。

明晚（13日）嘉賓伍富橋及太太Shirley。

伍富橋同太太在「快問快答」環節非常合拍。

Depp為伍富橋睇家居風水。

伍富橋家居面積逾5,000呎。

伍富橋家居面積逾5,000呎。

Alvin與Shirley於前年拉埋天窗，都希望開枝散葉。Depp師傅從二人的家居風水入手，他斷言睡房特別是露台部份，是絕佳的風水位置。裸泳師傅聞言大笑，提議二人於該處「辦事」可能會有「意外收穫」，引得全場大笑。Depp師傅望着二人5,000呎大屋的平面圖及照片慨嘆說︰「你屋企迷宮咁大喎，咁多樓梯、走廊，喺呢度我嘅方向感已經迷失咗……」接住師傅講笑話︰「Alvin你問我可唔可以增設籃球架，咁嘅屋企增設足球場都得呀，呢啲關個人喜好同能力事，唔關風水問題。」

Depp笑言伍富橋屋企大如迷宮。

裸泳師傅提議伍富橋夫婦多穿啡色衣服可減少嗌霎。

慧慧師傅教伍富橋夫婦促進感情。

此外，裸泳師傅提議二人多穿啡色衣服可減少嗌霎，慧慧師傅為二人手綁紅繩促進感情。

伍富橋夫婦的婚紗照，當時Shirley較纖瘦。

伍富橋夫婦經常在網上放閃。（IG圖片）