Skip to Content Facebook Feature Image

消費滿4000元 八達通最後1000元下月16日派發

@消費

消費滿4000元 八達通最後1000元下月16日派發
@消費

@消費

消費滿4000元 八達通最後1000元下月16日派發

2021年11月22日 12:57 最後更新:12:52

以八達通收取電子消費券的市民,若「合資格消費」累積總額於本月30日或之前達到4000元,可於12月16日獲發尾期1000元消費券。

資料圖片

資料圖片

政府發言人今日提醒於8月1日透過八達通獲發首期消費券的市民,如他們希望於12月16日收取尾期1000元消費券,其「合資格消費」累積總額須於本月30日或之前達到4000元。

相關市民可透過以下方法查詢其消費券的「合資格消費」累積總額:

●八達通手機應用程式

●八達通網站(voucher.octopus.com.hk

●八達通客戶服務熱線:2969 5500

資料圖片

資料圖片

根據消費券的發放安排,以八達通收取消費券的市民,在首期消費券發放後的特定時間內,如其「合資格消費」達到4000元,尾期的1000元消費券便會在達標後的下一個月16日發放。特定時間是指首期消費券發放後的4至7個月。以8月1日獲發首期消費券的市民為例,其「合資格消費」如在11月30日或之前(即發券後4個月)達到4000元,便可於12月16日收取尾期1000元消費券。這批市民的「合資格消費」最遲須於明年2月28日(即發券後7個月)累積達到4000元,才能趕及在明年3月16日收取尾期消費券。

資料圖片

資料圖片

另一方面,於10月1日獲發放第一期消費券的市民,根據發放時間表,將於12月1日獲發放第二期消費券。其中選擇透過支付寶香港、Tap & Go「拍住賞」或WeChat Pay HK收取消費券的市民,其第二期消費券金額為3000元。而選擇以八達通收取消費券的市民,第二期消費券的金額為2000元。相關市民會在12月1日當天陸續收到獲發放第二期消費券的手機短訊或應用程序推送通知。

八達通的「合資格消費」累積總額於本月30日或之前達4000元,可於12月16日獲發尾期消費券。資料圖片

八達通的「合資格消費」累積總額於本月30日或之前達4000元,可於12月16日獲發尾期消費券。資料圖片

往下看更多文章

最後機會

2021年08月14日 11:51 最後更新:12:36

唔經唔覺,政府的消費券計劃自8月1日派發了第一期的2000元後,至今都經已差不多兩個星期,唔知大家呢筆「意外之財」用成點呢?大家係每日慢慢「搣下搣下」,還是好似財爺波叔咁,買禮物請食蝦餃一日就使晒兼使凸呢?點都好啦,正如傳統智慧話齋「使左出去嘅錢先至係你嘅錢」,所以大家收到消費券後,千祈唔好留手,快快脆脆使左佢,自己開心之餘,又幫手振興到經濟,一舉兩得。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

從今次坊間反應來看,無論係一般市民或做生意的商戶,都十分歡迎消費券計劃。登記數字上,計劃至今已收到約690萬個登記,即係差不多全港九成半的市民都已登記咗,反應都真係好踴躍。計劃明天(8月14日)午夜就截止登記,我已經叫咗我嗰一千零一個仲未登記嘅朋友,唔好搞到咁「抆」,上網登記只要用佢幾分鐘!佢仲話諗緊可能去郵局或銀行交書面表格,我唯有長氣啲提佢要留意返星期六下午不是辦公時間所以唔會收表,要預夠時間至好。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

講開登記,我早兩日喺收音機聽到話有部分上網登記,而又選擇上載身份證做認證的市民,原來至今都仲未上載,搞到個登記做唔成、收唔到錢!希望呢班大頭蝦可以趕得切最遲8月16日,即下周一前上載完成身份核證,否則因為咁而拎唔到消費券就真係「見財化水」。

大家記得check下自己的申請係咪完成和有效。

大家記得check下自己的申請係咪完成和有效。

如果你係遞交書面登記表格,都唔好太「老定」住,我聽到局中人話佢哋所收的書面表格中,當中有不少都是無效,例如沒有附上身分證副本、填漏資料之類,政府已經向佢哋發短訊,提醒佢哋要重新遞交。如果你到呢刻都仲未確定自己的登記成唔成功,記得check下自己手機有無收到短訊通知,大家亦可以打電話去政府熱線185 000,查詢自己的申請係咪完成和有效。

至於我呢啲已經有消費券在手嘅,就梗係要繼續齊齊消費啦。過去兩個星期,我都問過下身邊親朋戚友張消費券用成點,特別關心年紀大啲嘅用唔用得掂電子支付呢?結果發現好多老友記其實都好醒,學嘢好快,用起上來無難度。雖然初期聽到話有個別電子支付平台出現咗啲唔順暢情況,但佢哋都好快修正咗。至於有個別商戶對收消費券加咗啲額外條件,我見波叔都好快拍片出來講解,話消費券購物或購買服務,不存在最低消費要求,也不容許額外收費。最近呢個星期,我見類似呢類嘅爭拗亦都好似少咗,似乎政府的訊息交待都算及時和有效。

大家要記住精明消費三步曲。

大家要記住精明消費三步曲。

講真,大家出嚟使錢,最緊要係開心。要使得開心,無論有無消費券,都記住要做個精明消費者,時刻保障好自己權益,面對商戶的不同優惠時要留意啲條款,咁就唔使俾啲無謂爭拗影響自己嘅消費心情啦。學波叔喺網誌話齋,大家要記得精明消費三步曲:睇貨價、睇支付、睇單據啦!

你 或 有 興 趣 的 文 章