娛圈事
好Sweet！
盧慧敏（Amy Lo）今日在中環出席服裝品牌活動，她早前上載一段20秒唱歌片段到社交平台，被fans熱烈反應嚇倒，故她趁空檔深造，學跳舞、唱歌及音樂，有意出歌闖樂壇。
Amy有意闖歌壇。
問道有否與男友、MIRROR成員陳卓賢（Ian）交流音樂？她笑稱二人平日以正常言語溝通，不過就甚少去唱K，認為一班人一起唱更開心，又指當初並非被Ian歌藝吸引，強調是拍戲認識，從相處喜歡男友性格。Amy又表示稍後有機會亦希望為Ian作歌，不過暫時只屬初步，故沒刻意詢問男友意見。
兩人因為拍劇而撻著。
Ian在商台「叱咤我最喜愛的男歌手」中打入15強，Amy Lo坦言已投男友一票，又一臉sweet爆稱讚Ian唱歌好聽，她笑說：「我係佢大fans，不過未到頭號，出面好多人都愛佢，大家一齊愛佢就ok。」今年聖誕節Amy Lo未知能否和Ian一同度過，但她指雙方不太重視節日，暫沒想過製造驚喜。
Amy希望有機會為Ian作歌。
Amy Lo稱自己是Ian的大fans。
MIRROR衝出香港。
MIRROR前晚（11日）抵達紐約為今日（13日）在UBS Arena舉行的巡唱作準備，騷前12子更應當地FOX及CNN電視台邀請接受訪問，共由Anson Lo、Ian陳卓賢及「大表哥」Stanely邱士縉全程用流利英語回答。
MIRROR前晚抵達紐約，大批粉絲應援偶像
MIRROR亦到CNN接受訪問
於FOX 《Good Day New York》7分鐘的訪問環節內，前半段MIRROR全團跳唱與NBA球星Damian Lillard(DAME D.O.L.L.A)crossover的最新英文單曲Day 0。之後在接受兩位主持Rosanna Scotto及Curt Menefee的訪問時，Anson Lo先表示感受到粉絲對他們的支持，令他們感到非常溫暖同被愛戴，意想不到地見到咁多鏡粉接機。而當主持問及有無四圍行或者食下Pizza，Ian就話只是剛下機，睡了兩小時便急不及待到FOX接受訪問。被問到想跟誰人合作？邱士縉Stanley表示：「一定係Dame D.O.L.L.A，我哋都超級興奮，因為部份成員都係NBA球星嘅擁躉，所以能夠同Dame合作，係莫大嘅榮幸。」
前半段先表演新歌《DAY 0》
Stanley表示最想同Dame D.O.L.L.A合作
Anson Lo全程流利英語回答
Ian 都係英文擔當之一
大表哥英文都幾好
有網民睇完訪問指對MIRROR另眼相看：「嘩！衝出香港呀」、「Anson Lo、Ian啲英文幾好講真」、「Ian完勝」、「香港之光」、「前無古人好犀利」、「跳過咗羅湖」等。
事後，12子表示感到非常榮幸可以接受FOX《Good Day New York》訪問，而Anson Lo更表示「好奇妙」，「我哋以MIRROR呢個身份見識咗好多，特別係紐約，因為呢個地方真係好大，更加令我哋覺得自己好渺小，所以呢個係好好嘅第一步，令我哋更加有動力繼續前進。」而Edan亦說：「因為喺一個唔係自己熟悉嘅地方，然後要表演，仲要接受英文訪問，大家都好緊張呢次表演同訪談，但我覺得大家都好盡力做到最好。好開心有咁嘅機會，希望未來有更加多咁嘅機會。」
