遇上「公主病」同事，實在令人感到無奈。有網民指，公司日前獲贈果籃，一名女同事想吃蘋果，卻不想自己切，推說「食唔晒」、「成個咬唔lady」，態度引來樓主側目！
設計圖片
該名網民在「香港討論區」上，以「女同事連食個蘋果都麻煩過人」為題發文，指公司早前獲贈果籃，一名女同事午飯後便問同事「食唔食Apple」。樓主坦言當下已感到奇怪，「心諗Ap咩ple，唔知呢個生果叫蘋果？」其後有男同事以為她純粹想自己吃，禮貌上問一下其他同事，便表示她可以吃掉蘋果。
設計圖片
怎料該名女同事竟指「唔係呀，我想叫你哋食嘅話切埋畀我食」，更解釋「因為我唔會食原個Apple㗎，我都食唔晒同埋成個咬咁唔lady嘅嘢我唔會做囉」。樓主對該名女同事的態度感到不滿，形容她是「港女」，批評對方自己想吃蘋果卻想其他人為她「效勞」。最後沒有人回應女同事，「要自己死死哋氣咁去切，明明自己都可以做嘅嘢做咩要假手於人」。
設計圖片
帖文引起網民熱議，不少人都直斥該名女同事有「公主病」，「返工唔包切生果...湊女咩？」、「以為自己喺屋企咩，講兩句就有人幫手切埋」、「好心啦，咁大個人想食蘋果就自己切啦，仲諗住要人切埋比妳食？當自己3歲細路仔咩」、「洗完、切完，喺佢面前自己食」、「呢個世界真係有啲咁白痴嘅人？」
資料來源：「香港討論區」
有網民指，一名女同事想吃蘋果卻不想自己切，竟要求同事效勞。網圖（示意圖）
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
