以平常心面對賽果。
ANSONBEAN（陳毅燊）、MC張天賦、林愷鈴和譚旻萱，今日一同出席活動，MC打入「叱咜樂壇我最喜愛的男歌手」8強，他多謝投票的粉絲，坦言會繼續努力。有否信心打入最後5強？MC稱對手很強，自己以平常心面對，他個人則看好呂爵安（Edan）。MC與ANSONBEAN同是今年新人獎大熱，兩人異口同聲表示平常心；ANSONBEAN指有獎會開心，但無獎亦不會失望，他自言鍾意MC的歌，覺得聽對方的歌很享受。而MC則說做音樂的原因是因自己鍾意，若努力與成果得到兌換當然最好。有網民指MC翻唱Edan的歌比他本人唱得更好，MC說各花入各眼，可能只是自己的粉絲覺得好聽。
MC與ANSONBEAN（左）是新人獎大熱，兩人表示平常心。
ANSONBEAN剛度過21歲生日，因為收到10個蛋糕食肥咗啲。
此外，ANSONBEAN日前度過21歲生日，分別與家人及朋友慶祝，今年他收到10個生日蛋糕，因狂吃而胖了一點。生日願望會否攞獎？ANSONBEAN表示希望做更多好作品及身邊人開心。至於下月1日迎來25歲生日的MC，最近忙到連自己生日都忘記，他笑言快踏入25歲，不想這麼快過生日，因覺得過去一年很充實，覺得時間不夠用，生日願望希望是想保持現在的狀態，做更多音樂。
資料圖片
MC生日願望希望保持現在的狀態，做更多音樂。
MC張天賦透露籌備新碟時期，以為自己失聲、不能再唱歌，心情受好大影響，繼而選擇的曲風都比較沉重。
MC張天賦今日（3月12日）推出第三張個人大碟《TREBLE》。早前忙於拍攝電影的MC也不忘錄製新專輯保持一年一碟紀錄，他解釋新碟慨念說：「新碟《TREBLE》多數都喺圍繞一些我會形容為顏色比較沉重嘅主題或歌曲出發，因為籌備新碟時期以為自己失聲、不能再唱歌嘅時候，心情受好大影響繼而選擇的曲風都比較沉重。」一向輕鬆拿捏各種曲風的他亦有在新碟裡作出新嘗試，MC ：「今次新碟入面有收錄其中一隻我同我朋友一齊合作、較為Hit pop嘅國語歌，同是亦是收錄喺新碟裡嘅一首國語歌。」
MC張天賦推出第三張個人大碟《TREBLE》。
《TREBLE》專輯封面
新碟設計上設計師特地為了這張專輯，按MC的面型設計了專屬面具，而這款面具除了在專輯造型中亮相外，更成為每張專輯封面的一部分。MC說：「造型方面喺公司嘅功勞啦,因為當初我話呢隻碟喺陰暗啲、沉色啲嘅方向架啦，於是佢地就用咗「面具」去表達唔同人唔同嘅情緒。而家呢個造型喺我都幾鐘意，因為好少可會畫到咁深嘅眼影同個嘴唇咁黑，但係！嗰幾條頭髮喺非常拮眼，哈哈」
籌備新碟時期以為自己失聲！
早前忙於拍攝電影的MC，也不忘錄製新專輯保持一年一碟紀錄。
MC想到加拿大開演唱會。
問到MC今年的目標還有音樂及電影以外還有沒有想嘗試的東西?MC說今年的目標和往年一樣：「今年嘅目標亦都係年年嘅目標，就係減肥同操肌！！我好希望今年如果有演唱會嘅話，我好希望自己有得揀除唔除衫，除就未必一定會除哂，但起碼有得揀先哈哈（現在有成果嗎?）而家係無住嘅。。。但係我都Keep咗（去做Gym）2-3個星期架啦。」至於事業他說暫時會專注於歌手及演員這兩個範疇，MC更說：「音樂方面我開始咗第一首完全喺自己作曲嘅歌曲，其實喺有幾首架，不過有一首就嚟推出，同埋今次為專輯或歌曲的前期準備都比之前多，所以希望大家拭目以待！
用面具表達不同情緒。
喑黑風格因遇低潮。
上一年MC首個紅館演唱會《This is MC》伸延至澳門最後回歸初心之地（文化中心），如果下次再開演唱會希望在哪裡舉行？MC想了又想說道：「去邊度開演唱會其實真係冇乜所謂，但係自己私心係想去加拿大開演唱會，因為自己畢竟係嗰度讀書，如果可以係嗰邊（開演唱會）都會好開心。」
希望除唔除衫有得揀！
