林盛斌爆黎諾懿冇牌品 薛家燕欲邀蔡卓妍同男友打牌

阿Sa男友係百億麻將館太子爺。

由薛家燕、林盛斌(Bob) 、鄭衍峰、戴祖儀、吳若希主持嘅TVB遊戲節目《麻雀鬥室三缺一》喺下周一晚(29日)開始播出，阿Bob爆黎諾懿牌品唔好；家燕姐讚馮盈盈太「高」章法變身「站長」；而陳敏之最迷信，竟着「紅底」嚟催旺自己。她笑言最想請埋蔡卓妍同「百億麻將館太子爺」石恆聰上節目玩吓。

一班主持人為節目拍外景，大家打成一片。

任姐拍戲時最怕家燕姐阻住佢收工。

曾志偉獲升TVB總經理後拍板製作嘅《麻雀鬥室三決一》，招攬一班打廣東牌雀友，邊玩遊戲邊跟藝人嘉賓過招，薛家燕、林盛斌話遊戲好刺激，大家要喺座位轉移、打透明麻雀、抽上、下家牌等遊戲中食到糊，唔係咁容易。

黎諾懿、陳敏之、湯洛雯、高海寧係首集嘉賓。

阿Sa男友(左2)係石恆聰係麻將館「太子爺」。

打牌似經歷人生起伏

阿Bob讚張頴康夠機警又好運贏到4千幾蚊獎金暫時領先；至於黎諾懿手氣較差打到發脾氣，阿Bob說：「聽啲高手話，笑住打麻雀啲牌會愈摸愈靚；諾懿成晚都面黑黑，就算叫糊都食唔出，所以佢好無奈話『好似經歷人生起伏咁。』」家燕姐建議阿Bob搵埋石恆聰跟阿Sa一齊落場。

節目中薛家燕都會落場，感受吓刺激性。

阿Bob 3個囡囡喺屋企玩三人麻雀。

任姐醒家燕姐二百蚊

家燕姐較少打牌：「最難忘細個時同任姐(任劍輝)拍戲，任姐怕我會成日眨眼阻佢收工去打牌，於是叫我埋去話畀200蚊我買嘢食，當年200蚊係巨額，我即時嚇到瞪大對眼，咁就順利拍完喇！」阿Bob記得小時候跟同學打牌時夾埋細佬出千：「細佬睇晒3家牌之後坐喺我隔離，然後伸手喺我大髀度打手勢，但好快被揭穿咗。」

薛家燕叫林盛斌出面請阿Sa孖男友上節目打牌。黎諾懿則被Bob爆黑面。

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！