*

upload_article_image

古天后日誌|美國忽然又出招 進一步威脅全球供應鏈

11月26日,天晴乾燥,今晚風勢增強。美股隔晚感恩節假期休市,今晚就只係得半日市。以為美股假期,港股可以安安落落,安然渡周末,冷不防美國忽然出招,喺中美元首視象會議後唔夠10日,當外界憧憬兩國關係緩和之際,美國竟將12間中資企業及機構列入「黑名單」。港股黑期應聲而下,再又回落至24500水平。


今次受制裁嘅實體或多或少跟半導體產業相關,亦牽涉量子科技領域,可見拜登政府對中國仍未手軟!而美國喺歐洲嘅盟友亦加入制華,意大利近日以半導體產業安全為由,再度阻中資企業收購當地半導體公司。今次遭列入出口管制實體清單的中資企業及機構,美國商務部喺聲明指出,有關實體及個人支持中國軍事量子運算應用。商務部長雷蒙多表示,全球貿易跟商業應該支持和平、繁榮,而唔係帶來國家安全風險,要保障國家安全,就要有效利用出口管制。中國嘅反應當然唔高興,商務部發言人束珏婷表示,美方做法唔符合中美兩國元首共識,不利於兩國,亦不利於全球產業鏈供應鏈安全及世界經濟復甦。

- 閱讀更多 -