父離婚後帶男友人回家入房獨處 阿仔猶豫應否過問兩人關係

若發現父親與同性友人過從甚密，應否開口過問？有年輕港男指，父母約半年前離婚，各自過生活但感情仍是一家人，不過與自己同住的父親近日不時帶同性友人回家，更曾目睹兩人入房獨處，直言「覺得怪怪哋」，卻不敢直接詢問兩人關係。

該名港男在網上討論區「Dcard」上，以「我老竇離婚之後帶咗個男人返嚟....」為題發文，指父母約半年前離婚，最初以為父母感情生變、關係不好，但之後發現兩人各自過生活之餘，感情「仍然係一家人」。而與父親同住的他最近就發現，父親經常帶一名男子回家，更曾目睹二人同時進房間，令他感到相當奇怪，「佢同我講係朋友，但係我硬係覺得怪怪地」。他懷疑父親與其友人的關係不只屬朋友，卻不夠膽開口詢問，「怕有咩誤會」。

帖文引起網民熱議，不少人都認為樓主若對父親及其友人的關係感到好奇，大可直接詢問，「老竇嚟㗎嘛直接問佢啦」、「如果你哋關係ok嘅，大家男人咪直接問佢係咪」。亦有人指，若樓主父親與男友人發展，對樓主並無影響，「佢係唔係其實都唔多影響到你嘅，你ok咪祝福佢，唔ok嘅咪當平時咁」、「你要問唔係問題，但你唔可以對呢件事抱有批評嘅心先，因為而家佢做咩，只係需要向自己負責」。

樓主其後補充，自己對父親的事純粹出於關心，並非打算批評他，「我只係出於關心我老竇啫，大佬有個陌生人我唔識嘅，耐唔耐出現喺我屋企，佢話就話朋友，但係有啲怪怪地」。

資料來源：「Dcard」

有年輕港男指，父親離婚後經常帶其男友人回家，更曾見兩人入房獨處，猶豫應否開口過問兩人關係。《叔・叔》劇照

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」