FYY希望學得一技之長！
馮盈盈、郭子豪、黃美棋將在《識貨2直播營銷學堂》擔任旁聽生，黃美棋透露經常淘寶，知道現正行網購運，相信成功者有9位數（以億計）身家不是夢。
黃美棋（左二）相信成功者過億身家不是夢。
盈盈對直播帶貨零經驗，有興趣投身行業，不過她認為藝人未必佔盡優勢，反而會輸蝕，還說：「人哋會覺得我早有準備，似演出來，件事唔夠真心，聽身邊朋友講睇直播帶貨鍾意睇素人多啲。」盈盈擔心起步時較遜色，故會認真參與上堂。會否視1億元為目標？她笑說：「（王）祖藍話可以賺到正職底薪多一倍，我月薪係標準工資，入息中位數，1萬9千元，希望賺到1萬9千元啦。」
馮盈盈話拎視后同賺過億元都沒可能。
盈盈讀營養學出身，她對銷售健康食品有信心及較有說服力，其次是扮靚美容產品，既可以扮靚又可以賺錢，未來會朝着這兩大方向，希望與時並進學到一技之長。被追問想要當視后還是賺得1億元？盈盈說：「兩樣都無可能，唔要呢啲，要身體健康，幸福快樂。」
資料圖片
馮盈盈為賺外快會認真參與上堂。
