「校長」陷桃色風波引發網民惡搞 食肆推「悲傷牛肉麵」抽水

有內地網民近日以網名「悲傷牛肉麵」撰長文爆料，指「校長」譚詠麟涉桃色糾紛，事件成為城中熱話。有食肆更藉此推出「愛"呈"陷阱」牛肉麵餐，成功抽水掀起網民熱話。

北角有食肆惡搞譚詠麟事件推「愛呈陷阱套餐」。網民Albert Lam Albert圖片

北角有食肆惡搞譚詠麟事件推「愛呈陷阱套餐」。網民Hung Yau Yau圖片

有網民發現北角一間潮州菜館，在滷水食物玻璃櫃外張貼大字報，推出「愛＂呈＂陷阱套餐悲傷牛肉麵餐」，還標榜「可追加碎粉絲」，更改寫「校長」名曲《愛情陷阱》歌詞「我墮入＂呈＂網你卻在網外看」。

北角有食肆惡搞譚詠麟事件推「愛呈陷阱套餐」。網民Joe Wong圖片

另外，又有網上專頁修圖惡搞香港一間連鎖米綫店宣傳海報，用上譚詠麟肖像，變成「譚伯上海粉絲」。海報特別提到「啖啖譚伯味」、「咸度升級+$1」、「+$20追加悲傷牛肉麵」、「+$300換購Kimochi波鞋」，又以一些不文字句諧音作影射，以及寫上「進食時不准拍照」，似意有所指。這張改圖迅即在網上流傳並引發網民熱議。

有網民惡搞米綫店的海報諷刺譚詠麟桃色糾紛。FB專頁Pokeguide圖片

圖片轉載自「深水埗街坊會 」及facebook專頁Pokeguide

北角有食肆惡搞推「愛呈陷阱套餐」以牛肉麵諷刺譚詠麟事件。網民Joe Wong圖片、網上圖片

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」