位於灣仔海濱嘅「渡輪碼頭畔主題區」進一步開放啦!最新開放嘅空間約有四千六百平方米,加上配有懷舊特色嘅海濱空間,Kelly相信又多一個打卡好去處。
  新開放嘅空間位於灣仔渡輪碼頭以東,亦係以去年十月起計,第十二個開放嘅海濱場地。新主題區以簡約嘅清水混凝土和木系構築物為主調,非常時尚。新開放嘅海濱空間亦加入香港懷舊色彩,配合相框和霓虹燈裝飾概念,並以富香港特色嘅傳統鐵閘及信箱作裝飾,呈現香港昔日面貌。Kelly知道,呢度更設有寵物公園,大家可以帶埋繫上牽繩嘅寵物一齊散步。
  鄰近主題區嘅HarbourChill海濱休閒站進一步開放,鋪設人造草皮並放置「HarbourChill」發光字型裝置,加上弧形戶外階梯平台和特色桌椅,休息同用餐又多個選擇啦!
Kelly Chu