得意。
李璨琛（Sam）女兒李元元（Lucy）憑住一對天生「紫菜眉」加上招牌脹卜卜「靴型面珠」，獲網民封為「港版蠟筆小新」，早前Lucy跟媽咪梁志瑩（Lucy媽）一齊去到商場見「正版小新」一面！
Lucy同蠟筆小生真係好似兩兄妹。
由於疫情關係冇得「返鄉下」，Lucy媽見到現場多個日本名勝景點主題裝置，立刻叫囡囡企埋小新一家與Fatina身旁，為她拍下「偽出走」打卡照。坐擁33.5萬IG Followers的Lucy面對鏡頭即「Super Model」上身，自動波連環擺出多個Pose和趣怪表情，Cute爆的她十足小新一樣搞鬼，人仔細細已經堪稱「宇宙最萌Pose王」！
Lucy有得玩就開心。
當囡囡企埋「小新」旁邊時，Lucy媽看到即大笑道：「嘩，真係好似樣，十足兩兄妹一樣！」並透露正為囡囡物色聖誕禮物，希望給予對方驚喜。當日Lucy亦玩得好開心，見到溫泉旁邊擺滿「雞蛋」，為食的她興奮大嗌：「好想食呀！」想不到年僅3歲的Lucy手仔細細卻大大力，成功將冰壺推得超遠，贏得好多限量禮品，滿載而歸。
Lucy同小新一樣咁古靈精怪。
年僅3歲的Lucy手仔細細卻大大力，成功將冰壺推得超遠。
