感情豐富。
由陳耀全（Andy）監製的無綫台慶劇《拳王》，逢周一至周五晚九點半翡翠台播出。以拳鬥及權鬥為主線、主力探討人性的《拳王》，主要演員有黎耀祥、張振朗、黃子恒、朱敏瀚、姚子羚、蔡潔、賴慰玲、譚俊彥、鄭子誠、許家傑、翟威廉、冼灝英、李君妍及孟希璘等。
尋晚個Live無論監製同演員都暢所欲言，佢哋仲送出兩位演員親筆簽名嘅《拳王》口罩套添。
昨晚監製Andy率領振朗及子恒開Live，與觀眾互動之餘，並送出二人親筆簽名的《拳王》口罩套。Andy笑指是次是決心將振朗與子恒來個性格大兜亂，以帶給觀眾新鮮感，振朗即笑指有難度：「因為個角色好嚴肅、又多內心戲，仲要打好多份工添！對我嚟講真係演得唔算得心應手。我嗰時真係拍到個人都唔同咗，變得唔鍾意講嘢同埋好鍾意諗嘢。」Andy聞言即補充指振朗今次像一個只能出拳、但不能用腳、踭、膝應戰的拳手，並坦言知道對振朗來說很高難度，但仍很感激振朗這麼努力！至於由嚴肅變活潑的子恒，則笑指在角色感染下，私底下亦變得開朗：「加上劇入面拳館所有人都好似一家人，所以拍得好開心。」
張振朗坦言演繹今次個角色有難度，多內心戲之餘，仲要打好多份工添呀！
二人又坦承是喊包，子恒指最近一次爆喊，是因為聽到劇集其中一首配樂，然後滿腦子都是海正藍（張振朗飾）的畫面，及拍攝時的所有畫面。至於振朗，則坦言無論是見到羅蘭姐（劇中嫲嫲），抑或做訪問談及拍攝感受時，都定必感觸落淚，Andy聞言再玩踢爆謂：「係呀！佢好易喊架！好記得第一次同佢合作《師父明白了！》，佢話想睇番自己死嗰場戲，我咪畀佢睇咯，點知佢一睇就喊到豬頭咁，嚇親我呀！」Andy又笑指振朗是劇中NG最多演員，十分搞笑。
呢幕告別嫲嫲嘅戲，好多網民都讚感動而不煽情。
昨晚亦有不少網民留言提及十分喜歡正藍與迎風（黃子恒飾）的互動！其實二人在劇中會逐漸發展成師徒關係，而二人的結冤+結緣場口亦相當有趣，竟然是由HK$27.4的士費、一包花菇以及一個銀包開始！正藍為了HK$27.4的士費，竟追迎風追至入男廁，嚇到肚痛大作的迎風O晒嘴！這個搞笑場口，亦引起了網民熱烈討論，有人覺得為何正藍咁傻有價值超過HK$30的花菇都唔要，亦有網民認為正藍「孤家寡人」，幾貴的花菇對他來說亦毫無意義，相當搞笑！據知，振朗與子恒這對受歡迎的男男CP之後還會有不少對手戲，二人不但火花四濺，更非常有愛，值得期待！
姚子羚嘅型格短髮Look，網民都好Buy
