欣宜成女歌手獎項大熱 直認抱必勝心態參加

鄭欣宜、馮允謙和陳毅燊（ANSONBEAN） 今日一同出席《新城勁爆頒獎禮2021》記者會，華納、環球及Sony Music皆沒有歌手出席，寰亞派出欣宜他們三人參加，算是最多歌手撐場的唱片公司，欣宜笑道：「犀利、勁揪！好事呀，因為公司真係會為每個歌手花上好多心機同時間去做歌。」

出眾歌手都算好多，但你又識得幾多個？

欣宜成為新城頒獎禮，女歌手大熱人馬。

對於新城與HKRIA解封只有兩個月，旗下唱片公司歌手在新城的播放率未必能追上，令欣宜有機會一枝獨秀奪得大獎，她直言對此不懂如何回答，但承認不管如何自己是抱著必勝的心態參與頒獎禮，因這樣才對得起自己的歌曲，故此自己不可無爭勝之心。

ANSONBEAN（左起）、欣宜及馮允謙一同現身支持。

欣宜去年轉唱片公司，是否希望為公司奪得首個獎項？她稱得獎會非常開心，因奬項並非個人的，是屬公司整個團隊年底的一個總結，加上公司十分支持和信任自己，不過若果真的無獎，也會為自己加油。

ANSONBEAN是今年新人獎大熱。

欣宜今日跟馮允謙及ANSONBEAN一同出席新城記者會。

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。