公司保安租住豪宅返工解悶打工仔：租金高過人工

社會事

公司保安租住豪宅返工解悶打工仔：租金高過人工

2021年11月28日 13:56 最後更新：15:33

有錢人無樣睇？有港男指，跟公司大廈保安閒聊時，得知對方租住公司附近的豪宅單位，租金甚至較保安的月薪高，對方更直認上班純粹只為解悶，根本不缺錢，令樓主不禁直呼「真人不露相」！

該名港男在「香港討論區」發文，指公司大廈一名保安「好鬼多嘢講」、「咩都可以講一餐」，他間中會與對方閒談幾句。二人慢慢熟絡後，對方指自己每天步行上班，樓主始知他就住在公司附近一個「豪宅盤」；起初以為對方特地找一份鄰近住所的工作，但原來他本身住在偏遠地區，因不忍心兒子每天接載他上班，才在市區租樓自住方便上班，更指「返工只不過係因為悶，想搵人吹吓水咁」。

樓主形容該保安員「真人不露相」，指其住所的租金比保安員月薪高，笑言對方「有錢冇掟使」。他又指，早前曾懷疑對方戴冒牌名表，如今始知自己「有眼不識泰山」。

帖文引起網民討論，紛紛指不可「以職業取人」，不少人可能都有單位收租或擁過千萬身家，「有長糧又多份外快」、「唔好睇小保安員，隨時有錢過你，人地悶唔想坐公園咋」、「街邊掃街嘅可能都有幾千萬身家」、「唔係講笑，好多做保安其實有幾層樓收緊租」。另外亦有網民分享自己的見聞，「我屋企個保安之前喺大陸開電子廠，仲有4間添，不過佢年紀大加上佢個仔做醫生，唔鍾意搞工廠所以早幾年賣哂啲廠，之後佢覺得悶，所以來做保安」。

資料來源：「香港討論區」

往下看更多文章

尖沙咀茶檔西多士被批似「穿窿底衫」網笑：你就當「買大送細」

2024年04月16日 12:30 最後更新：15:11

西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！

正方形西多士離奇分為兩塊

網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。

有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。

網友狠批：點解仲可以比客人食

網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。