一年一大閃～
王菀之（Ivana）與老公蘇卓航（Eric So）於2015年結婚，每年11月28日都會Po出同老公Eric So的合照放閃。今日（28日）適逢是Ivana的結婚6周年，她亦如常Po出與老公的合照，相中Ivana戴住口罩，但仍擋不住她露出的甜美笑容加笑眼，望住鏡頭同老公Eric So貼臉自拍，不過男方就好似專登唔望鏡頭。
Ivana更在配文自爆對住老公仍然怕醜，「唔太明何解做咗六年蘇太，對住你都仲係好怕醜。。。等我硏究多一萬年先。」又hashtag「一年一大閃」，真係「閃」煞旁人。
王菀之每年都會PO合照慶祝結婚周年。
網上圖片
而老公Eric So亦有Po出夫妻背影合照，照片中Eric So箍住王菀之的頸，在黃昏下漫步，他的配文都相當浪漫，「早幾年嘅今日之嘛，我一手就箍住呢條友到依家，妳咪走呀！」成功搞到Ivana感動留言：「 嘩，一起身見到！！！我笑到對眼連條缐都冇埋，宜（而）家個人又怕醜又緊張又剩。。。）」。
Eric So段配文搞到Ivana好感動。
王菀之喜以歌曲分享資歷抗拒以回顧形容。
由光尚娛樂主辦、棋人娛樂協辦，王菀之《初回限定》音樂會·澳門站日前於威尼斯人劇場館舉行。整個音樂會，Ivana（王菀之）以歌會友，沒有和音與舞者，只是透過燈光、著名音樂人Edward Chan 領軍的5 人樂隊現場伴奏下，Ivana以她空靈透徹的歌聲，帶動全場1600觀眾，過了兩小時難忘和震撼的音樂旅程！
王菀之《初回限定》音樂會澳門站。
Ivana 《初回限定》世界巡迴音樂會，以分享她入行的音樂為題，在連唱了《Love Has It All》、《詩情》及《小俠》後，Ivana先與澳門歌迷打招呼，說：「呢個場好大，我記得我喺呢到睇過《天鵝湖》，多謝大家嚟到我第十三場〈初回限定〉，澳門朋友大家好！多謝大家咁多年支持我嘅音樂，我唔鍾意用出咗道幾多年咁講，我想話用我創作咗幾多歌，即係會好有資歷咁，多謝大家！」隨即令台下歌迷發笑，完美展現了Ivana式的幽默。
Ivana以歌會友。
音樂會是以「分享」出發。
既然不想用「回顧」，Ivana就笑言音樂會是以「分享」出發，用心為歌迷挑選歌單，在自彈自唱以感恩為題的新歌《Shattered》時，Ivana就深情分享了她的創作心得，說：「喺地球唔同角落，有啲人嘅生活會好悲慘，好刻苦，我寫呢首歌係想提醒自己，可以嘅話要選擇善意。」隨即Ivana開始彈奏，但彈奏了兩粒音，突然叫停：「Sorry等等先，出咗事個琴，唔好意思變咗disco⋯⋯我鋪墊咗咁耐個氣質入位宜家落咗disco，呢十秒大家抹咗佢。」繼而Ivana深情重講了分享尾段部分，可見Ivana對演出的認真、對自己的嚴格要求。
大唱20首作品！
Ivana用心為歌迷挑選歌單。
《初回限定》音樂會是Ivana分享自入行以來的感受和音樂路，有她創作的深情慢歌，自然唔少得也有她創作的快歌，在唱《沉默的士高》和《波點女皇》時，Ivana邀請全場觀眾一齊跳，台下亮起手機燈，氣氛熾熱。Ivana在一口氣完成了20首作品後，正式為《初回限定》音樂會・澳門站寫上了圓滿句號，接著巡演會在蘇州、北京、南寧等地，尾站會在吉隆坡作結。
尾站會在吉隆坡作結。
