新節目拍足十幾粒鐘 薛家燕恨請小鳳姐現身打牌

有請小鳳姐！

全新綜藝節目《麻雀鬥室三決一》，將會喺今晚首播，身為主持嘅薛家燕，上周六（27日），邀請節目拍檔吳若希（Jinny）同鄭衍鋒嚟到新城電台接受《開心大派對》訪問大談麻雀經。

薛家燕邀請了《麻雀鬥室三決一》兩位拍檔吳若希同鄭衍鋒上《開心大派對》訪問。

《麻》一共有13集，每集拍攝時間最少要13、4小時，至今已拍咗一半，家燕姐好希望可以喺餘下嘅集數邀請好鍾意打麻雀嘅小鳳姐（徐小鳳）上嚟節目打牌，家燕姐話：「小鳳姐打麻雀好叻，我梗係想請佢上嚟啦！大家可以跟小鳳姐學吓嘢！」

大談麻雀經。

家燕姐最想邀請好朋友小鳳姐上節目打牌。

雖然節目只拍了一半，但幾位主持感情要好，似足一個family咁，家燕姐不時都會萬歲請食蛋撻、沙翁，衍鋒則會萬歲咖啡，有次家燕姐錄影時，錄到聲沙沙，Jinny翌日帶咗私伙浸咗十幾年嘅鹹柑桔俾家燕姐舒緩吓喉嚨，家燕姐話：「係呀，可能拍攝時間好長，拍一集《麻雀》，等於拍兩集《流行經典》，大家相處時間長，感情都好啲。」家燕姐更大讚Jinny老公好好，拍到凌晨兩、三點，便見Alex接太太放工。

Jinny透露最近學識了打台灣牌。

問到三位，有冇邊位嘉賓牌品唔好呢？Jinny話：「就算嘉賓牌品唔好，俾大家見到嗰個都係acting，因為拍節目都係一個玩嘅心態，我哋呢個節目唔係玩錢……」衍鋒則力讚黎諾懿牌品好好，「佢嗰集係三娘教子，三位女士一齊攻佢，個遊戲係要啲懲罰，個個都搵佢嚟罰，佢就好淡然面對，睇得出諾懿牌章係最高，但都係輸。」同場嘅范振鋒，原來小時候屋企開麻雀館，阿范話：「下次你哋喺節目度抽水，咁就可以用抽水嘅錢買咖啡、蛋撻！」

鄭衍鋒

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！