不少家長一到周末就會帶同子女去「宅度假」。有網民入住西貢一間今年新開業的酒店,但不滿浴室水溫為38度,聲稱擔心小朋友洗澡會着涼,於是向酒店投訴,引來網民爭議。
設計圖片
網民昨日於「香港 Staycation 酒店交流谷」發文,指昨晚氣溫只有20度,而酒店客房浴室的水溫為38度,發文者於是向酒店投訴,獲悉「仲話正常驚淥親啲客」。發文者不滿,「係扭到盡熱水都係得38度,好彩小朋友沖嘅時候無嗌凍,叫人調校熱啲都唔得」。
有網民投訴浴室水溫只有38度怕小朋友着涼。「香港 Staycation 酒店交流谷」圖片
根據天文台資料,昨日西貢錄得最高氣溫為24.2度,最低氣溫為17.8度。
有網民投訴浴室水溫只有38度怕小朋友着涼。「香港 Staycation 酒店交流谷」圖片
有網民認為38度水溫實在太低,「我依家沖涼都係用40 度,得38 度我覺得唔夠(寒底怕凍)」、「人人體質唔一樣,沖42-43度水有咩問題,怕熱可以減熱水,怕凍加唔到溫度」、「其實係酒店沖涼38度真係唔夠熱,因為酒店有冷氣又抽風勁啲,小朋友沖涼真係會凍。同埋講話恆溫熱水爐,但會受出面溫度影響,相同度數剩校熱水唔開冷水,陰天同睛天出來水溫都有差別。」
有網民投訴浴室水溫只有38度怕小朋友着涼。網上圖片
不過都有人認為38度並非不合理,「38度仲唔夠熱?我平時35度咋」、「我BB沖涼都是38度咋喎」。有人就建議,「唯有將室溫校暖啲」。
帖文轉載自「香港 Staycation 酒店交流谷」
大埔林村河驚現「神秘圓圈群」,幾十個巨型圓形坑洞不規則排列在河底,網民解釋是「牠」搞鬼。
(FB圖片)
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片,驚訝指於林村河中出現「神秘圓圈」,從照片可見,幾十個巨型圓形坑洞從河底延伸至河面,有些甚至伸出河面之上,它們大小不一,不規則的排列,至少延伸數十米長,部分圓圈內還有魚在游動。如此異象令樓主嘖嘖稱奇「林村河唔知發生咩事,好多個圈圈,水深嘅地方都見到,同埋上游好污糟,會唔會有外星人到訪此地」。
(FB圖片)
網民笑言:外星人來襲
帖文引熱議,有網民搞笑表示「我講你知其實係林村河嘅麥田圈圈」、「我果日踩單車經過,見到有幾個灰色既人仔,細細粒咁企左喺河到唔知搞乜,佢地望住我,我嚇到走左,原來真係外星人」、「係呀,外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
(FB圖片)
街坊拆解真相:非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來,在林村河下游潮退常見。而呢種鰂魚適應能力好強,所以你見到啲水污糟佢哋都係生存到,同外星人無關」。
非洲鯽魚又稱福壽魚,非香港本地物種
根據世界自然基金會的Facebook專頁,非洲鯽魚,俗稱福壽魚,為市場上常見的魚類品種之一。由於其適應力強,即使處於輕微至中度污染的水域中仍能生存,且其肉質鮮美,因此被廣泛飼養供人食用。雖然福壽魚非香港本地物種,但由於管理不善,有些人故意或無意間將其放入淡水或半鹹淡水中,導致其與當地原生魚爭奪食物。
(FB專頁「WWF Hong Kong」圖片)
被評為全球100種最具破壞性的「外星魚」之一
在其他地區,人們已經發現福壽魚是導致當地原生魚類數量減少的主要原因之一,進一步減少了棲息地的生物多樣性。它被評為全球100種最具破壞性的「外星魚」之一。因此,世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源:Facebook群組「大埔 TAI PO」、Facebook專頁「WWF Hong Kong」