《造星IV》直認睇漏眼 許廷鏗讚阿妹Yanis靚女有潛質

許廷鏗認好難做到公平公正。

許廷鏗（Alfred）今日為動漫電影《鬼滅之刃劇場版》的無限列車編場景，化身一日店長，近日頻頻亮相的他笑稱要賺定錢過冬。

許廷鏗最近頻頻出活動，笑言要賺埋過冬。

Alfred為ViuTV 真人騷《全民造星IV》擔任導師，選拔賽近日被質疑淘汰準則，Alfred坦言難做到公平公正，知道有參賽者承受很大輿論壓力，自己亦有看網民意見，當他置身局外時有感「睇漏眼」，並激讚阿妹黃敏蕎和Yanis吳欣諺靚女有潛質，2人是網民力推心水，令Alfred 自責當導師未夠稱職，期望稍後用另一方式幫助她們，並無奈說：「成日都話『全民造馬』，邊有咁多，只係為個節目好睇，但好多事我哋控制唔到，我都戥參賽者唔抵。」Alfred自爆晚晚在電視亮相增加親民度，在街上被觀眾集郵時明顯變得貼地，不再是以前觀眾感覺冷酷態度。

許廷鏗直認好難做到公平公正。

許廷鏗話會用其他方法幫助佢哋。

阿妹確實幾靚女，可惜99強止步。

許廷鏗直認睇漏眼，大讚阿妹和Yanis靚女兼有潛質。

胡鴻鈞在演唱會上赤膊大騷腹肌，Alfred笑稱不知道，近日睇女較密，不過胡鴻鈞開騷前一直保持神秘突然大解放？Alfred即指是聲東擊西。他則沒想過要騷肌，笑說：「我呢幾年，修身、齊家、治國、平天下，露出嚟未免丟人眼，相信我嘅歌迷唔係期待緊呢啲。」

Alfred話冇諗過自己開騷要騷肌，亦冇留意胡鴻鈞演唱會。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。