Skip to Content Facebook Feature Image

百幾萬樓升值至600萬兒媳想賣樓搬出 家婆欲分100萬傍身惹不和

社會事

百幾萬樓升值至600萬兒媳想賣樓搬出 家婆欲分100萬傍身惹不和
社會事

社會事

百幾萬樓升值至600萬兒媳想賣樓搬出 家婆欲分100萬傍身惹不和

2021年11月29日 23:18 最後更新:00:29

正所謂講錢傷感情,一對父母早年買入百多萬元住宅後,由兒子出資供樓,時移世易單位已經升值至600多萬元。媳婦就希望分家搬去新居,但新居只打算歸兒子及媳婦名下,於是家婆希望分100萬元傍身,引發婆媳之間矛盾。

媳婦打算賣走丈夫與家婆名下的單位另購新居,不滿家婆打算分100萬元。《BB來了》示意截圖

媳婦打算賣走丈夫與家婆名下的單位另購新居,不滿家婆打算分100萬元。《BB來了》示意截圖

網民在「親子王國」討論區發文,指父母早年買入時單位市值百多萬元,父母出資35萬元,長子出資4萬元,之後長子一直住下去,到後來長子結婚,單位就歸長子夫婦住,但單位業權仍然是媽媽及長子名下。媳婦結婚前曾出資20萬元作裝修費,之後就一直抱怨結婚後單位都無她的名份。幾年前媽媽向長子明言如果要賣樓就要分一半,媳婦當時已經對家婆心存怨念。發文者透露,媽媽的原意是「等阿媽上天堂後,另一半業權歸大仔,大仔自然加老婆名,阿媽係咁諗」。

媳婦打算賣走丈夫與家婆名下的單位另購新居,不滿家婆打算分100萬元。《BB來了》示意截圖

媳婦打算賣走丈夫與家婆名下的單位另購新居,不滿家婆打算分100萬元。《BB來了》示意截圖

而媳婦每次回夫家食飯時,從來不與家婆對話,只是簡單打個招呼就算,近日媳婦回夫家又常「黑面」及不夾飯菜,媽媽於是問是否因買樓的事,是否很想搬,兒子稱「唔係好想,但係搬到就梗係好」,原來媳婦打算賣樓搬出去,但新居只打算歸兒子及媳婦名下。媽媽不想兒媳因為買樓的事不和,該舊樓大約值600萬元,於是媽媽就退一步提出,希望獲得樓價的六分之一,即大約100萬元現金晚年傍身,但就引發婆媳矛盾,「就話畀返100萬,佢退個名,但個仔都無表態。」

發文者說,「兩公婆都好似有拗撬,其實真係親情價,佢老人家都要有錢傍身,大仔依家每個月都係象徵式畀返一千幾百阿媽。阿媽無咩安全感。」發文者斥責,「唔知佢地兩個係咪想送層樓畀佢哋?難為阿媽。感覺佢哋好似夾埋想迫阿媽快啲轉名,想阿媽一個仙都唔收畀層樓佢哋。如果係咁,佢哋兩個好過份!」。發文者又批評,「佢地兩公婆話買新樓就一次過畀哂,唔想再供。因為唔想再供,就畀50萬阿媽。淨係識計自己條數」。

unsplash示意圖

unsplash示意圖

而媽媽也對兒媳心淡,「阿媽都唔想佢地再返黎食飯,次次做餐死,新抱食到乸口乸面」,「依家住咁近,阿媽有病都唔嚟睇下,何況以後搬遠啲,分埋錢後,更加有藉口唔洗嚟」

有網民留言就指,「起碼攞二百萬啦,當年出1/3買樓」、「贊成分200,無伯友首期都上唔到車啦。唔過份」、「梗系唔得喇。。。。雖然條數咁計係啱,但無35萬做首期,根本買唔到樓。100萬唔系好多,個呀媽要租樓住?好快用完,如果有病要睇醫生仲快用完。一係就一齊住。如果唔係就畀多100萬,即係200萬畀佢。個新抱好自私。我都係人新抱,我都唔會咁對奶奶。」

也有人認為,兒子也是不爭氣,「家和萬事興價咪100萬,心淡價就拎300萬。老實講,個新抱都係做醜人姐,如果個仔心入面同樣無算住自己啊媽,點會由得老婆發噏瘋。將心比心,如果同樣情況要賣外父外母樓,睇下啲老婆會唔會鬧爆老公?個新抱都係爛頭卒乍嘛,要怨就怨生個咁嘅仔了」、「好彩有聯名,唔係一個仙都無。個仔同新抱分分鐘一腳踢出門」

帖文轉載自《阿媽應該攞番幾多錢?》

媳婦打算賣走丈夫與家婆名下的單位另購新居,不滿家婆打算分100萬元。《BB來了》示意截圖

媳婦打算賣走丈夫與家婆名下的單位另購新居,不滿家婆打算分100萬元。《BB來了》示意截圖

往下看更多文章

油塘酒樓1人坐卡位遭收3茶錢 食客嬲爆:枱又唔執錢就識收

2024年03月29日 12:30 最後更新:15:06

食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

有食客到油塘某酒樓用膳,眼見其他枱未有人清理,於是找了一張4人卡位坐下,豈料侍應說要收3人茶錢。Getty圖片

該食客於Facebook群組「油塘人之家」發文,表示日前到油塘大本型商場內某酒樓用膳,甫進入內,一位侍應示意他入座,當時樓主見現場未滿座,而且大部枱未有人清理,於是找了一張4人卡座獨自坐下,怎料侍應隨即走到他面前,收起碗筷,並告知他需要付3人的茶芥費用「仲要大大聲話公司規定」。樓主非常氣憤,於是拍枱走人「枱又唔執錢就識收,真係頂唔順即走,本地消費真係靠晒佢哋」。

從樓主上載的照片可見,酒樓的確張貼出告示,說明因座位有限,1至2人選擇坐4人卡座,需付最少3位茶芥。

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

酒樓的確張貼出告示,說明因座位有限,1至2人選擇坐4人卡座,需付最少3位茶芥。(FB圖片)

帖文曝光後,有網民到訪該酒樓的類似經歷「我都試過,當日已是下午茶時間,且茶客稀少嘅!我哋兩位,選擇卡座位,我都俾職員提醒,要收多1位茶錢嘅!真是創意無限」、「我今日都同樓主一樣經歷,入去話一位,個職員話有位就坐,但張張都坐左人。一係就未執枱」、「領教過晚飯1次。餐牌太多規矩。服務態度差。唔會再去」。

不少網民批評酒樓的做法。(Getty圖片)

不少網民批評酒樓的做法。(Getty圖片)

雖然不少網民批評酒樓的做法「趕客之都果然名不虛傳」、「最簡單,唔好幫襯,等佢執」;不過亦有人表示「如果俾三位茶錢而冇其他人搭枱,我都可以接受」、「佢個卡位係可以望出睇到街景,坐得闊落d唔使搭枱,上次我兩位入座照比佢,黃昏食住睇日落靚景,我覺得冇所謂」、「係咪唔會被搭枱?如果是的話,我會比」。

有人則表示如果座位舒適又不用搭枱的話,會願意多付茶芥。(Getty圖片)

有人則表示如果座位舒適又不用搭枱的話,會願意多付茶芥。(Getty圖片)

帖文來源:Facebook群組「油塘人之家

你 或 有 興 趣 的 文 章