*

獲保錡惡搞《倒轉地球》 陶大宇唔介意帶歡樂畀大家

大宇令25年前嘅《倒轉地球》翻hit。

劉德華喺1996年推出嘅《倒轉地球》,忽然間喺25年後翻hit,全因為有元祖級「師奶殺手」陶大宇加持,佢幾乎每次登台都會唱呢首飲歌,甩bit嘅「魔音式」唱腔,加上「水潑式」獨有台風,但無論點都係用堅定嘅眼神繼續淡定唱,超級洗腦!

獨家丨 陶大宇問保錡係咪想死   唔介意帶歡樂畀大家繼續惡搞

佢話唔介意帶畀大家歡樂。

ERROR成員保錡噚日就拍咗條惡搞版《倒轉地球》,完全模仿大宇嘅表情同唱腔,《頭條娛樂》今日都有聯絡大宇,問番佢會唔會嬲?估唔到大宇超大方,唔嬲之餘,仲話好開心帶咗咁多歡樂畀大家,佢以短訊回覆話:「我最近的確是倒轉咗個地球,希望大家安全無事🤣🤣🤣!其實可以帶比(畀)大家開心、歡樂,咁咪好囉!令人談論、令人快樂,我可以做到,我覺得比(畀)佢哋更開心。」

獨家丨 陶大宇問保錡係咪想死   唔介意帶歡樂畀大家繼續惡搞

有網民整咗張潛力圖,話要投票畀大宇做「吒咤我最喜愛男歌手」喎。

- 閱讀更多 -

往下看更多文章