網民要求指導走音陶大宇 許廷鏗：樂意幫手調教一下

Alfred話要睇睇音準先。

許廷鏗（Alfred ）今日出席活動，他為ViuTV選秀真人騷《全民造星IV》擔任導師，透露曾因拍攝連續29個鐘未睡過，又試過拍節目後翌日原有客人已預約整牙，豈料未完成拍攝故要改客人時間。目前電視播出的戰況進入40強，誕生20強後會改為直播騷，Alfred表示屆時自己也等睇騷。近日陶大宇在內地商演演唱《倒轉地球》；唱到走音兼甩拍子的片段在網上熱播，有網民提議他成為許廷鏗的組員，Alfred聞言謂：「女團喎！陶大宇？佢啲粉絲就得，『師奶殺手』嚟嘛！等我返去睇佢音準得唔得先，如果ok就可以幫手調教一下。」

Alfred因出任《全民造星IV》導師，令人氣急升。

陶大宇近日的商演走音片在網上大熱。

《造星IV》今星期進入40強戰況。

有網民搞笑指要Alfred出任陶大宇導師。

此外，Alfred與鄭欣宜一起擔任代言人的速遞外賣平台，宣布在下月31日在香港終止營運，他表示：「都有啲突然，但多謝客戶一直以來支持，當時拍攝幾開心！佢係一間全球性公司，結業只限於香港，希望將來可以飛去第二度可以享有呢個服務啦！」

活動上有兩隻導盲犬。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。