逆境自強振奮人心 張偉文現身經理人母親壽宴開心勁食

好好胃口啊～

68歲死過翻生嘅張偉文（Donald）近年不良於行要靠坐輪椅代步，幸而多年嚟喺有情有義嘅老友兼經理人方俊（Aman）悉心照顧下，翻肥100磅，狀態回勇，本月20日、明年1月12日及14日分別喺香港文化中心、沙田大會堂及元朗劇院再開騷舉行《友情有義演唱會》，賺錢傍身。而張偉文逆境自強嘅故事獲大眾支持，首場個唱已經爆滿，其他場次都掀起撲飛熱潮，喺疫情下票房反應咁好，張偉文及經理人飲得杯落。

首場《友情有義演唱會》喺本月20日文化中心舉行，方俊及姚煒出任表演嘉賓。

張偉文正努力練歌中。

張偉文及出任表演嘉賓嘅方俊現正努力練歌中，適逢方母蘇麗89歲生日，昨晚張偉文及圈中好友環星娛樂老闆張國林、「環星一哥」尹光及太太、歌手王美蘭，方麗盈等為方母賀壽，大家齊唱生日歌，開開心心放鬆咗一晚。

「環星一哥」尹光夫婦（左1、2）、環星娛樂老闆張國林（左3）、方俊（左6）齊舉杯。

張偉文、方俊及環星娛樂老闆張國林、尹光夫婦、王美蘭、方麗盈等為方母賀壽。

方俊稱母親與張偉文均患有腦退化症，需要輪椅出入，同時要照顧兩人未感吃力，反而積極面對人生嘅考驗。張偉文忙中偷閒胃口也特別好，大讚餸菜好食仲飲咗兩罐汽水。方俊嘅壽星媽就超興奮與到賀嘉賓敬酒，老人家連飲兩杯拔蘭地亦面不改容，在場人並為張偉文演唱會打氣，祝他演出成功。

喺方俊悉心安排下，張偉文演唱會門票大賣，心情勁佳。

仲胃口大開添。

歌手方麗盈（左1）、王美蘭（右2）、方俊（右1）祝賀壽星媽身體健康。

方俊將於4月15日在北角新光戲院大劇場舉行演唱會。

方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月15日，晚上七時半在北角新光戲院大劇場舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。

黃偉文欣喜得悉方俊舉行個人演唱會，勉勵方俊要做到最好，親口應承到場支持。

人情味濃濃，方俊偕張偉文出外，沿街市遇上熱情粉絲問候支持，祝「靚聲王」身體健康，更祝方俊演唱會good show！

好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」

《方俊燃亮愛演唱會》海報

近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，即興唱半首《訪英台》， 唱得有板有眼，仲有埋造手功架，好有睇頭。

張偉文近年雖然患上認知障礙症，但也加入為方俊新歌《鼓舞》和音行列。外出期間，沿街及食店內有唔少fans上前問候及支持張偉文，希望偉文身體健康可以在網上唱多啲歌，更祝方俊演唱會good show。另外，音樂會嘉賓還有方麗盈、王美蘭及神秘殿堂級天后，門票在3月8日公開發售。

茶餐廳遇到粉絲爭相拍照。

方俊近期忙於新歌及演唱會宣傳未能前往探望偉文，日前方俊相約偉文茶敍，偉文威迫方俊演唱會一定要做到最好，叮囑完後笑逐顏開，非常高興！