自認扮女人靚過教主 Edan指Jer同女友只係耍花槍

Edan工作太忙，未有時間去睇AL新戲。

Edan(呂爵安）、Jeffrey (魏浚笙）、岑珈其、徐浩昌、劉沛蘅及黃正宜今日到新蒲崗為ViuTv節目《膠戰S2》錄影。Anson Lo(盧瀚霆）主演的電影《假冒女團》正在上映，Edan表示自己雖然好想入場支持，可惜未有空去欣賞，他說：「聽講幾好笑，佢又扮女人，我都想睇。」

Edan和Jeffrey剛完成劇集《i.SWIM》拍攝工作。

問到看過AL 扮女人的照片後會給多少分？Edan說：「佢做返男人好啲，因為睇慣咗。我都想睇吓佢去得幾盡，平時咁姿整，今次為咗角色放下偶像包袱，所以想支持吓。（AL也說自己扮女人樣衰...）真係，（你扮女人會否比他更樣衰？）我扮女人好靚，只要睇我阿妹就知，哈哈！」

《膠戰S2》還有3集便煞科。

同為MIRROR成員的柳應廷（Jer）剛傳跟女朋友Kelly分手，Edan表示與Kelly亦是相熟朋友，有跟Jer了解，他說：「冇咩，只係耍花槍，唔使太緊張，但私人事都係留畀佢哋自己處理。（網民指Jer好怕女友？）某程度我都有責任，之前喺電台直播時取笑佢，其實佢係好錫女友，我就笑佢怕女友，其實唔係，佢都好威猛，經常振夫綱！（振還是震？）呢個我不知道，但佢哋好甜蜜，平日聚會佢都有帶女友出嚟，當咗佢係阿嫂。」

Edan工作太忙，未有時間去睇AL新戲。

在旁的Jeffrey被問到可擔心與女友像Jer一樣出現「小風波」？他說：「唔會，我哋好開心，係幸福快樂嘅兩小無猜。」

Jeffrey表示與女友好幸福。

此外，Edan指《膠》節目還有3集便煞科，希望能再添食第三季。Edan和Jeffrey剛完成劇集《i.SWIM》拍攝工作，見Jeffrey 面形明顯瘦削，Edan卻讃對方非常健碩；而他早前因新歌破百萬點擊，笑言是難得機會騷肌：「我都想畀人睇下有啲料架㗎。」

劉沛蘅

岑珈其

黃正宜

徐浩昌

Edan自言現在操到好fit，都想趁機會畀大家睇吓。

Edan指阿Jer同女友只係耍花槍。

Edan笑言似妹妹，所以扮女人應該會靚過教主。

呂爵安新mv自己有份構思。

呂爵安Edan的E式情歌每次都帶來驚喜，而今次新歌〈油麻地莎士比亞〉，便驚喜地與創作團隊製作了一個很貼地、充滿港式情懷的MV，不過更驚喜（還是驚嚇？）是歌名無意中提早劇透了，就連Edan本尊都嚇親，不過幸好未有影響其他細節。另外，Edan這次有份參與構思MV畫面，事後更坦言希望日後能親自執導MV。

呂爵安與創作團隊製作了一個很貼地、充滿港式情懷的MV

如果有留意Edan Instagram account，都會一早知道歌名叫做〈油麻地莎士比亞〉，Edan回想這事也自覺失策，他說：「喺錄音最後一日，好興奮想同大家Share劇透少少，影咗歌詞Share Story，點知Post完好快就見到有人講〈油麻地莎士比亞〉，我都即刻嚇親，究竟乜嘢事？點解講咗歌名？然後都肯定自己唔小心Post咗出嚟。」Edan自爆歌名後，原本都有想過刪除Story，但都知大遲了，更說：「反正都Seven咗，咪俾大家知道囉！其實都冇乜所謂，係命運安排先發生咗呢件事情。」

說回歌曲，今次再有〈E先生連環不幸事件〉的班底：溫瀚文加上李俊緯作曲，黃偉文填詞、Edward Chan監製參與，Edan形容是一個很神奇的合作，他說：「Edward搵啲作品返嚟，通常我都唔會知邊個作，純粹聽Demo 俾我感覺，同埋Base On 旋律，係去到好後期先知溫瀚文有份寫，所以都好Surprise，因為〈E先生〉之後都冇唱過佢寫嘅嘢，所以一知係Raymond寫，就覺得好奇妙，有一種Connection喺度。」歌詞方面，Wyman這次也寫了一個很有意思的題材，Edan十分喜歡，他回憶歌詞誕生過程道：「我同Wyman、Edward有個Group，俾咗Demo Wyman聽之後，某日佢話諗到條橋，叫我聽下鍾唔鍾意，條橋就係〈油麻地莎士比亞〉。」而歌詞概念，其實就是講述一個中文水平很低的男生，每日都寫一首詩送給喜歡的女生，大眾可能會覺得男生寫的內容很奇怪、字體核突，用字又唔夠靚，但其實這已是男生認識的字裡面最靚的用字。歌曲想表達誠意同心意，比出來成品有多好來得緊要。

mv有不少Edan寫詩追女仔畫面

mv畫面截圖

mv畫面截圖

mv畫面截圖

Edan透露，其實自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」

Edan透露，其實自己過去都試過用類似方法追女仔

mv畫面截圖

因為歌曲背後的有趣想法，來到MV裡，Edan變身成為了茶餐廳外賣仔，他喜歡了一個經常嗌外賣的女生，而故事就由這裡展開。Edan表示：「角色塑造成貼地啲嘅男生，但鍾意一個藝術少少嘅女仔，想追佢，於是用佢唔擅長嘅方法，就係寫詩寫字，寫得好核突好奇怪，但用心意誠意打動佢。」為了呈現這個充滿港式情懷的故事，MV裡設計了很多可愛的畫面，他說：「裡面有啲好可愛嘅畫面，例如放到成枱外賣盒，要諗寫啲乜嘢俾佢，喺茶餐廳練習點樣喺高級餐廳向對方表白，寫喺手掌向對方表白等等，呢啲都係好可愛，又青春又貼地嘅故事情節。」

MV裡，Edan變身成為了茶餐廳外賣仔，他喜歡了一個經常嗌外賣的女生

mv裡面有啲好可愛嘅畫面

青春又貼地嘅故事情節

其實MV裡一些有趣的畫面，Edan都有參與構思，他解釋道：「今次參與度又比以往多少少，因為同導演已經合作過好多次，好多謝佢哋願意俾我去嘗試一啲我想像、覺得可能好睇嘅畫面。老實講，我冇學過任何有關導演嘅嘢、拍攝上嘅嘢，但係入行耐咗，漸漸地會有啲想法，平時冇機會嘗試，今次可以即席創作。佢哋都會俾專業意見話俾我聽可唔可以，然後再試。」Edan坦言都唔肯定出來效果如何，但這是難得的經驗。那麼日後可會嘗試做導演？Edan道：「都有咁嘅念頭，但我未必係一個可以由零開始生一嚿嘢出嚟嘅人，我比較鍾意喺有條橋嘅情況下，喺上面再生啲嘢出嚟。如果有機會，我都想第時有隻歌我真係同佢哋一齊玩，但係我做導演的話，大家從旁幫助我，都希望日後有咁嘅作品，因為平時都冇咁嘅機會嘗試，自己MV就可以自肥試吓！」