帶《造星IV》學員出活動 許廷鏗唔敢睇網民留言

同學員齊齊搵錢。

許廷鏗（Alfred）、林欣彤和《全民造星IV》A組學員Win Win（楊安妮）、YoYo（葛綽瑤）、Marf（邱彥筒）及So Ching（蘇芷晴）今日出席開幕活動，Alfred笑言好開心可跟學員們一齊出席，大家稍後都會有不同的合作計劃，更有意和大家一齊開音樂會。

林欣彤同老友許廷鏗一齊睇《造星IV》。

林欣彤表示早前與Alfred、鄭欣宜和鄧小巧食飯，Alfred主動提議看《造星IV》，Alfred笑說：「有時都要面對自己的節目，看著她們由比賽到跟我出席活動，見到她們成長都覺得老懷安慰。」

Alfred都好喜歡咖喱。

講到咖哩（黃雅慧）在昨晚一集被淘汰，Alfred感嘆指自己都很喜歡咖喱，「很多當下的決定電光火石間完成，而且真人騷節目，很多事沒有拍出來，我們在好多考慮下，做最好的決定，有時都預計不到，其實觀眾不捨得即是代表觀眾都很喜歡她。（另一導師梁祖堯經常被網民罵？）我自己都不敢看留言，因為已經有了結果，再看都不能改變，但是即使是被淘汰的學員，日後大家都會有合作，我知阿祖都有找她們做舞台劇，她們只是完成了拍攝，不代表仕途完結。」

許廷鏗好開心同學員一齊出席活動。

林欣彤大讚《造星IV》的參賽者，尤其睇好19歲的Marf，笑謂Marf與她當年參賽的年紀一樣，令她更有共鳴。講到聖誕節，林欣彤透露會在工作中度過，要為明年推出的新歌錄音，問到有否男仔約會？她猶豫數秒才表示沒有，當Alfred表示到時約她時，她卻表示要看到時得唔得閒。

Win Win 、YoYo、許廷鏗、Marf及So Ching。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。