許廷鏗曾被盜用IG帳戶。
許廷鏗（Alfred）今日到中環出席宣傳活動，分享對於社交平台帳戶私隱問題，Alfred連日公開現身，他笑指很開心日日見大家，過去疫情期間很多實地工作變成網上進行，今次則由網上變實地宣傳。
許廷鏗曾被盜用IG帳戶，因此對防盜問題有好深了解。
曾試過被盜用社交媒體帳戶的Alfred，經歷此事後自稱是安全達人，因很多朋友都會問他意見，不想被歌迷私訊、朋友私隱等洩密，就要學識如何保護自己帳戶，幸好現時有雙重密碼保護。他自爆每日也有歌迷示愛，他不怕被人見到留言，反而怕回覆造成尷尬。
許廷鏗自爆每日也收到歌迷示愛。
Alfred試過收到惡性露骨留言，他的做法是直接檢舉，由於他經常親自回覆，曾惹來揣測：「啲人懷疑我回覆得好快，有問過係唔係小編，我自己好鍾意呢種互動感覺，特別自己遇到煩惱時，睇吓都幾開心，有留言話12歲鍾意我到現在，好好鼓勵。」他認為食得鹹魚抵得渴，已學懂接受好壞批評，不敢與網民駁火，反擊只會延伸事件，燒着火頭，也不會因此而動怒。
許廷鏗好鍾意在網上跟人互動的感覺。
許廷鏗表示好開心現身宣傳，而非網上進行。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
