清潔向來是厭惡性行業，不過有網民在facebook群組「荃灣人」發帖，稱多次見到有清潔工手執一份報紙，拍照「打卡」後就收工，結果不少網民紛紛稱遇過，更稱是「絕世筍工」
資料圖片
網民稱，「已經係第二次見到幾個着住工程衣，帶埋頭盔同洗碗手套嘅女人喺荃灣地鐵站附近扮做清潔打卡。兩次都係有另一個女人負責影相，仲一定要影埋XX日報嘅嘜頭入鏡」。
有網民不滿清潔工拍幾張照就當清潔完收工。facebook群組「荃灣人」
結果原來其他網民都目睹過，「影報紙是代表當日，但見過只是抹一分影左便走」、「每日都有，唔係扮清潔工，佢哋真係清潔工，只係扮開工」。有人指「荃灣天橋電梯，成日都見佢哋淨係揸住啲清潔工具影相就走，我話你哋唔係抹㗎咩，淨係影相呀？佢哋都唔出聲」。
有網民不滿清潔工拍幾張照就當清潔完收工。facebook群組「荃灣人」
有人更不滿被這些清潔工阻礙，「佢哋只係不斷轉pose影相，連一兩嘢都無抹過。仲要阻住我搭𨋢」、「見過好多次，重要畀佢影完先可以搭lift，阻住我追巴士」
有網民不滿清潔工拍幾張照就當清潔完收工。facebook群組「荃灣人」
有人更指不只是荃灣獨有，「一條抹布走天涯。唔止荃灣，我見過馬鞍山抺扶手欄杆全程一條布影完相就走…香港政府啲錢就咁就俾咗呢啲公司 」、「喺葵涌都成日見到，影完幾張相就收工」
帖文轉載自facebook群組「荃灣人」
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
