*

upload_article_image

中環IFC外望——渣打禤惠儀加入集團管理團隊

  渣打集團(2888)管理團隊有最新變動,今次跟香港高顏值女「賓架」之一的禤惠儀(Mary,見圖)有關。渣打昨日公佈,身兼渣打區域行政總裁(香港、台灣及澳門)及渣打香港行政總裁的禤惠儀,會加入集團管理團隊,即時生效。
  渣打成個集團有六十幾個市場,聽聞喺咁多個市場的行政總裁中,暫時Mary係唯一能夠晉身集團管理團隊,而呢個團隊本身嘅成員都係集團內具份量嘅人士。當然今次決定亦反映渣打非常重視香港這個盈利貢獻最多的市場。
  該集團行政總裁溫拓思就話,喺思考如何透過變動管理團隊來達致執行戰略計劃的最佳效果時,佢哋決定在決策過程中加強客戶的聲音。考慮到這一點,很高興Mary能夠加入管理團隊;又話喺營運集團最大的市場——香港,她為團隊帶來豐富的經驗及專業市場知識。他期待Mary日後能在集團領導層擔當更積極角色。
  Mary加入渣打銀行後,一做便30年,曾先後在個人金融業務、財富管理、客戶經驗和公司管治等部門出任不同要職,2009年出任香港區個人金融業務主管,2015年執掌整個大中華及北亞地區的個人金融業務,2017年晉升香港行政總裁一職,依家仲加入埋集團管理團,前途一片光明。她會繼續向亞洲區行政總裁洪丕正匯報。

- 閱讀更多 -

往下看更多文章