娛圈事
近日Phil接受主播許文軒訪問。
林奕匡（Phil）早前接受TVB娛樂新聞台節目《StarTalk》訪問，談到自己性格好勝，Phil言：「我太太教咗我好多，我同佢玩Board Game，好多時我都不擇手段要贏，輸咗又唔憤氣，搞到氣氛大跌，依家我改咗好多。」Phil又認為兩公婆「一凹一凸」是好事，現在學識遷就太太，但適當的時候都要懂得給予意見。
近日Phil接受主播許文軒（左）訪問。
近年Phil嘗試做歌曲監製，他謂：「作為一個全面嘅監製，我自己仲未稱職，不過都係時候要成長。今年亦都好開心寫多咗歌畀人，如果抽到時間我一定會入錄音室幫手錄音，想令到首歌更加好聽，同時同歌手會有更多Bonding，我覺得從音樂嘅接觸去交朋友，呢個係我最舒服。」
Phil指太太改變了他好勝性格。
自言鍾意透過音樂識朋友。
林奕匡坦言太太影響他不少。
林奕匡還送了《高山低谷》十周年音樂會的門票給這幾位有緣的Busker。
最近密鑼緊鼓地排練音樂會的林奕匡（Phil）日前晚上途經旺角取車，聽到busker演唱自己的《安徒生的錯》技癢，突入busker街頭開Live一同演唱！Phil更即興與Busker jam《有人共鳴》及「DSE神曲」《一雙手》，當中有樂手今年考DSE，又謂：「我小六就聽呢首歌。」Phil苦笑表示：「你想兜個圈話細個就聽我啲歌。」
Phil日前晚上途經旺角時，聽到busker演唱自己的《安徒生的錯》技癢，突入busker街頭開Live一同演唱！
途中，Busker表示：「3年前玩sing con（歌唱比賽）初賽，第一次玩呢首歌，就係《高山低谷》」故希望與Phil現場唱一次《高山低谷》，Phil搞笑指：「3年前啫！」又指歌曲正正推出了十年，Busker即指出：「嗰時我7歲。」，場面惹笑。隨即，樂手更建議彈THE FIRST TAKE Version，Phil不禁大讚：「呢個version多咗個music break，你都識？」
Phil現場獻唱《高山低谷》。
期間，Phil表示：「今日幾開心，冇諗過有咁大嘅收獲，我係有個會計喺登打士街，行過嚟拎車嘅時候就咁啱見到。音樂其實有時就係緣份嘅嘢，例如遇到一隻歌、遇到一個故事、遇到一份詞，生命有唔同嘅機遇就係咁樣嚟。」又鼓勵Busker繼續追夢，做到自己喜歡的事，即使遇到挑戰都會令人成長，讓自己能夠面對更多難題：「做音樂唔容易，尤其是buskers，要一早霸定個位又要練好多歌，所以大家要多多支持。」期間，一度獲圍觀市民一同大合唱，唱畢後，Busker大喊：「我真係好開心呀。」場面熱鬧又溫暖。
圍觀的市民一度一同大合唱。
最後，Phil決定送上音樂會門票邀請Busker到場欣賞這場別具意義的音樂會，見證Phil十年來經歷《高山低谷》的音樂軌跡，藉此激勵街頭表演者憑《一雙手》握成拳頭，總會尋找到屬於自己的地方。
Phil還為Busker送上音樂會門票。
事後，Phil亦上載大合照謂：「記得十年前，我都有喺呢度busk過，亦都希望鼓勵一下追音樂夢嘅朋友💪🏻💪🏻Do what you love，love what you do. 就算觀眾多與少，你都可以一樣咁enjoy，加油！」
View this post on Instagram
林奕匡（Phil）將方下週（4月27-28日）舉行一連兩場「agnès b. Presents: 高山低谷 10週年 Special - Phil Lam The Great Decade Live」音樂會，早前已率先預告歌單包含很多大家耳熟能詳的歌曲，部份歌曲會重新編曲，更密鑼緊鼓練習saxophone為音樂會演出！密切期待！
