Ian識做啦~
盧慧敏(Amy)昨晚(9日)在尖沙咀出席活動,同場還有魏浚笙(Jeffrey)、洪嘉豪、林家謙、方皓玟等。Amy表示有去欣賞第二場MIRROR六子演唱會,坐在較後位置低調捧男友陳卓賢(Ian)場,大讚演出好睇。
盧慧敏
魏浚笙
洪嘉豪、MC
臨近年尾,Amy表示自己和男友也有很多工作,聖誕節也在工作中度過,希望聖誕後可與家人食飯,並會送小首飾給家人和朋友。Amy表示今年是特別的一年,事業好大變化,會買小禮物給自己。問是否賺很多?她說還好,工作經歷是很難得。會否送難忘禮物給男友?她笑說:「我送甚麼都難忘,不想求其買,會買心思東西。(男友會否送禮物給你?)不知呀,我想要surprise,我喜歡簡單的。(他有沒有送過鑽飾給你?)沒有,希望他看到我今日所戴的,看看遲些有沒有機會吧。我也想在此買一份禮物給媽咪。」
Amy表示未收過男友送的首飾。
盧慧敏在《叠影狙擊》中變身女殺手,人生第一次埋位演武打場面就要拿起手槍在街頭駁火,還狂跑幾條街追殺目標。
長腿美女盧慧敏(Amy)在梁家樹及謝穎擔任總監製的電視劇《叠影狙擊》裏,搖身一變女殺手,這是她人生第一次埋位演武打場面,拿起手槍在街頭駁火,還狂跑幾條街追殺目標,40吋長腿飛踢動作,非常有型,不過Amy自爆首日開工才發現疑似患上「跑步困難症」,跑姿古怪,更自嘲似蟹又像馬,為了跑得靚和穿高跟鞋跑步,急請武術師傅上課「惡補」!
盧慧敏在《叠影狙擊》中變身女殺手。
Amy笑言:「第一日埋位拍動作場面,亦係我人生第一次動作場面和揸槍,好興奮,可以試新嘢!我角色係女殺手,由表情、姿態,同埋處事方式都好有型、狠和果斷。我慶幸今日未有太多動作場面,淺嚐一下,最開心發現自己好多缺點。首先我有『跑步困難症』,唔可以跑得好有型,可能由細到大,我只會喺危急關頭先至會跑,當然唔會理儀態和儀容,所以今日就發現自己跑起嚟,跑姿好似一個蟹和馬溝埋嘅生物,真係要好好改善。」
Amy人生第一次埋位演武打場面。
亦是人生第一次揸槍。
Amy好興奮可以試新嘢!
其實最大挑戰是穿高跟鞋跑步,Amy說:「我做Model或平時工作,經常著高踭鞋行和企,雖然唔可以話係乜嘢『強項』,但至少習慣晒,一定無問題。不過今次拍戲要『跑』就係一大學問。需要平時唔用嘅肌肉幫手,先至可以好穩陣和做出有型跑姿,我真係要搵武術師傅再研究和上堂學習。」
不過,原來對Amy來說,最大挑戰是穿高跟鞋跑步。
Amy自爆疑似患上「跑步困難症」,跑姿古怪。
戲中,Amy與黃宗澤有不少對手戲,她感謝對方的耐性。「多謝黃宗澤同導演,佢哋對我好好、好有耐性。我無乜拍戲和武打經驗,但因為時間緊逼,未必每次都一齊睇playback(回看),好依賴大家嘅信任。」Amy感謝他們指出她的缺點,讓她對症下藥,好好改善。她說:「佢哋好仔細咁同我講解,我做得唔夠鮮明,鏡頭前講求好高嘅清𥇦度,動作要好利落。少少似音樂,每一個動作都好似打一下拍子,要好清楚,呢啲全部都係佢哋經驗分享。」Amy表示得到前輩的指導,好感恩,「真係好寶貴,我由零開始,好需要實戰經驗。見到自己嘅『不足』,先可以進步。過咗今日我又進步咗,我鼓勵每個人嘗試多啲認為自己覺得好困難、好辛苦嘅事,要一日比一日強!」
Amy與黃宗澤在劇中有不少對手戲。
Amy感謝前輩們指出她的缺點,讓她對症下藥,好好改善。