立法會選戰進入倒數，各地區形勢緊張，究竟哪位候選人能夠跑出，一星期後便揭曉。著名資深馬評人卡洛斯近日亦分享自己心水，話九龍東地區直選這場賽事睇好2號民建聯的顏汶羽。
顏汶羽昨日於社交平台上載一段短片，片中由卡洛斯作聲音評述，將九東直選比喻成跑馬賽事：「2021年最重要的一場賽事，九龍東分組呢，我就幾睇好隻2號馬。點解呢？因為隻馬質素好高，系出名門啦，出自『橄欖馬房』（陳檻林）。『橄欖馬房』過往出過好多名駒，好多馬皇級都係呢個馬房出尼！」卡洛斯續說：「隻2號馬本身亦都有潛質，我睇佢將來都可能會係一班嘅成就。」短片最後有卡洛斯現身，話自己全力支持顏汶羽，在旁的顏汶羽亦笑言要繼續「馬照跑、舞照跳」。
參選九龍東的候選人還有工聯會鄧家彪、民主思路陳進雄，以及報稱獨立的胡健華和李嘉欣。
詳細候選人名單請參閱：https://www.elections.gov.hk/legco2021/chi/nomination2.html
卡洛斯指自己全力支持顏汶羽。網上圖片