焦仔是一個演員，夢想是「做戲做一世」。
現年30歲的焦浩軒（焦仔）入行8年，憑住《愛•回家之開心速遞》演「阿壯」一角為人認識。早前他在《萬千星輝賀台慶》其中環節「新人演員追夢」中，感性分享在追逐夢想的過程中，面對舊同學個個高薪厚職，自己卻被嘲笑發明星夢，但他卻揚言絕不會放棄，立志做一名好演員，不少觀眾都聽到非常動容。
點擊看圖輯
焦仔是一個演員，夢想是「做戲做一世」。
焦仔於台慶「新人演員追夢」的環節中，大派洋葱！
相關影片可以按以下畫面觀看：
為了追夢，他曾在新光戲院做打雜，另接下不同特約、臨時及Model工作。
焦仔投考兩次訓練班才成功入學，在這段靜候的時間，他一直裝備自己，等待機會的到來：「因為訓練班係一年一次，咁我就用呢段時間去學習好多關於呢行嘅嘢，好似喺新光戲院做打雜，仲有做特約、臨時演員同Model，一年後我就拎住一大疊嘅Profilio，同考官講我上年失敗咗今年再嚟過，希望你哋會畀機會我加入TVB呢個大家庭，今次唔入唔緊要，我下年拎過更加大疊嘅Profilio，總之我會繼續努力，直到入到唯止。」他續說：「我覺得如果今年入唔到，即係我未夠班，咁咪繼續進修，其實入咗訓練班都只係一個開始，因為都有排做同有排學。」
「島大六子」正式畢業後，焦仔正式在接龍保安部登場。
現已成為TVB親生仔的焦仔，除了主力拍劇外，口齒伶俐轉數快的他亦獲安排主持工作，發展機會不俗。他表示希望明年在綜藝方面多些發揮機會：「見到志偉哥籌備咗咁多新嘅節目，都好希望有機會參與同學習，等自己可以多方面發展。另外，我以前喺《開心速遞》好鍾意設計一啲笑點，但因為設計得多開始冇咗啲內心戲，加上愈拍愈密集，我希望攞番做演員嘅初心出嚟，而唔係咁工廠式嘅反應，呢度要慢慢調節。」他續說：「其實我覺得自己好幸福，因為《開心速遞》同《流行都市》畀咗一個穩定嘅收入我，可以供樓同畀家用，變咗令到我可以繼續喺呢個行業發展。（經濟壓力大嗎？）我對物質係冇要求，冇咩點洗錢，好多嘢都係人哋送畀我，跟住我就著，對食我又係冇要求，我唯一而家係每個月幫屋企人供層樓，因為佢哋已經退咗休，就係咁多！」
焦仔在圈中人緣很好，不論前輩與平輩，都喜歡他。他笑說：「由開頭拍《鐵馬戰車》，黃德斌同簡慕華真係好錫我，因為知道我係新人，佢哋完全冇畀壓力我，我甩對白仲笑住同我講唔使驚。跟住《都市閒情》同大小姐一齊主持，佢係完美嘅，佢好似一個小朋友咁，但又好成熟，令到我好放心咁去做一個主持。大王（安德尊）就更加唔使講，佢唔介意我喺鏡頭前面寸佢，因為佢知道係做緊一個效果，有咩前輩可以咁做，佢真係教咗我好多嘢。」
焦仔古靈精怪的個性，很討觀眾喜愛。
焦浩軒（焦仔）出身名校，為夢想棄做會計師。
焦仔於台慶「新人演員追夢」的環節中，大派洋葱！
相關影片可以按以下畫面觀看：
影片連結：https://youtu.be/LxpngnnbSPo
焦仔外型俊俏，更有著高學歷，畢業於加拿大著名學府加拿大英屬哥倫比亞大學，主修會計，副修國際貿易。他接受本網專訪時，指於2012年畢業後為追演員夢，放棄當會計師穩定的工作，隻身由加拿大回港發展：「因為我細細個係睇獎門人大，已經種咗入我心入面，我好想做下一個獎門人，係真嘅，雖然唔知到最後做唔做到，呢件事好傻嘅！（有冇見過曾志偉？）有見過一次，我當時真係好緊張，因為終於可以見到自己不停話想超越嘅一個前輩，一個我好值得學習嘅對象，亦都係香港一個代表，一講獎門人相信全世界都識。志偉哥好好人，我有同佢講希望將來可以做到佢咁叻，佢都有叫我加油，好希望之後有機會同佢合作，咁就真係可以跟到佢學嘢！」
焦仔決心想做下一代獎門人。
為了追夢，他曾在新光戲院做打雜，另接下不同特約、臨時及Model工作。
焦仔投考兩次訓練班才成功入學，在這段靜候的時間，他一直裝備自己，等待機會的到來：「因為訓練班係一年一次，咁我就用呢段時間去學習好多關於呢行嘅嘢，好似喺新光戲院做打雜，仲有做特約、臨時演員同Model，一年後我就拎住一大疊嘅Profilio，同考官講我上年失敗咗今年再嚟過，希望你哋會畀機會我加入TVB呢個大家庭，今次唔入唔緊要，我下年拎過更加大疊嘅Profilio，總之我會繼續努力，直到入到唯止。」他續說：「我覺得如果今年入唔到，即係我未夠班，咁咪繼續進修，其實入咗訓練班都只係一個開始，因為都有排做同有排學。」
《愛回家之開心速遞》中，島大學生的戲份一向鬼馬搞笑，焦仔亦憑「阿壯」一角彈出。
「島大六子」正式畢業後，焦仔正式在接龍保安部登場。
現已成為TVB親生仔的焦仔，除了主力拍劇外，口齒伶俐轉數快的他亦獲安排主持工作，發展機會不俗。他表示希望明年在綜藝方面多些發揮機會：「見到志偉哥籌備咗咁多新嘅節目，都好希望有機會參與同學習，等自己可以多方面發展。另外，我以前喺《開心速遞》好鍾意設計一啲笑點，但因為設計得多開始冇咗啲內心戲，加上愈拍愈密集，我希望攞番做演員嘅初心出嚟，而唔係咁工廠式嘅反應，呢度要慢慢調節。」他續說：「其實我覺得自己好幸福，因為《開心速遞》同《流行都市》畀咗一個穩定嘅收入我，可以供樓同畀家用，變咗令到我可以繼續喺呢個行業發展。（經濟壓力大嗎？）我對物質係冇要求，冇咩點洗錢，好多嘢都係人哋送畀我，跟住我就著，對食我又係冇要求，我唯一而家係每個月幫屋企人供層樓，因為佢哋已經退咗休，就係咁多！」
焦仔主持功力大家有目共睹。
焦仔在圈中人緣很好，不論前輩與平輩，都喜歡他。他笑說：「由開頭拍《鐵馬戰車》，黃德斌同簡慕華真係好錫我，因為知道我係新人，佢哋完全冇畀壓力我，我甩對白仲笑住同我講唔使驚。跟住《都市閒情》同大小姐一齊主持，佢係完美嘅，佢好似一個小朋友咁，但又好成熟，令到我好放心咁去做一個主持。大王（安德尊）就更加唔使講，佢唔介意我喺鏡頭前面寸佢，因為佢知道係做緊一個效果，有咩前輩可以咁做，佢真係教咗我好多嘢。」
焦仔公認人緣好。
焦仔古靈精怪的個性，很討觀眾喜愛。
