因為做《全民造星IV》導師令許廷鏗多咗好多賺錢機會。
許廷鏗（Alfred）與《全民造星IV》學員許軼 （Day）今日出席活動，呢期頻頻出席活動賺錢的Alfred笑言多得Day帶挈，今次是他第二次跟學員出席Event。問到今年是否賺好多?他笑言無計過，財政交由家人處理，因為工作繁忙，若然要自己處理就比較複雜，皆因數口不精。他說：「今年好喜出望外，因為自立門戶開公司，得到客戶支持打咗好多強心針，美中不足是在音樂上創作未夠多，頒獎禮以平常心面對。」他又說近年樂壇多咗好多新血，當中以男仔居多，不過因應全女班的《全民造星IV》可以創出新景象。
因為做《全民造星IV》導師令許廷鏗多咗好多賺錢機會。
許導師與一班A組學員。
Day對於未正式出道，但獲得出席賺錢活動的機會，可會增加贏比賽的信心。她自言信心不大，又認為每位參賽者均靚女又有實力，會以平常心做好自己。當笑問可會找導師許廷鏗睇牙時？Alfred聞言即說：「我會畀折扣，但暫時未有學員搵我，我歡迎佢哋睇牙，從健康同美觀角度嚟講，清潔吓都好。」
Day冇信心攞獎。
許廷鏗多謝Day帶挈搵真銀 歡迎《造星IV》參賽者睇牙會畀折頭
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
