顧定軒為親生骨肉傾盡所有 首作歌跟藝術家合作

新歌《尼斯》，Zeno搵來一直很欣賞的藍奕邦合作。

Zeno由《造星III》表演項目《自畫像》開始，對創作愈來愈感興趣。

首辦跨媒體製作壓力大

Zeno承認《造星III》開啟了創作之門，在沉澱的日子除學習潛水、芭蕾舞和陶瓷外，還嘗試作曲，最終創作了《尼斯》，「係《自畫像》延續落去，首歌係講探索自己，我就諗如果自己係一種生物，係咩生物呢？就諗起尼斯湖水怪，因為大家對佢有好多猜測、標籤，於是想用番佢睇人類呢個視覺，去講標籤呢樣嘢。」最終主動搵了極恨合作的藍奕邦幫手填詞及監製去完成作品。

Zeno跟藝術家林欣傑，合辦多媒體展覽《尼斯之歷》。

Zeno眼中的尼斯水怪，會唔會太過可愛呢！

恰巧這段日子，Zeno獲邀成為「香港藝術節外展大使」，走訪了多間學校及多位藝術家，期間被林欣傑的多元化作品所吸引，主動邀請對方一齊將歌曲結合藝術展覽來呈現。由單純想在個人平台發表的歌曲，到變成多媒體製作，Zeno坦言初任主辧方壓力極大，「自己第一個真真正正、由概念開始自己創作，加上表演都係自己，呢個係我第一個寶貝，係親生骨肉嚟，所以係好切身嘅感覺，好不容有失，好想將自己想講故事，好順利傳遞畀觀眾，每部份都想做多啲。如果作品大家喜愛，好有意義，真係無憾，呢個作品令我更有信心去搵更多不同自己。」

Zeno還趁這段休息時間，經常操肌改善單薄身形。

趁休息時間，Zeno學習了潛水、陶瓷及芭蕾舞。