炎明熹都有去會展捧場。
李幸倪(Gin Lee)昨晚在灣仔會展開騷,吸引《聲夢傳奇》學員炎明熹(Gigi)、文凱婷(Aeren)及姚子羚、郭偉亮(Eric Kwok)等捧場。音樂會由Gin獨白片段揭開序幕,她指不經不覺來港發展10年,今次以音樂會答謝fans在她生命中出現,呼應唱出《十年如當日》、《我不是你的觀賞魚》、《今天終於一人回家》、《雙雙》等連串名曲。演繹《天地一沙鷗》時,螢幕播放Gin兒時至成長照片,見她從小包包臉,還有她大學畢業一家合照。
點擊看圖輯
接住Gin換上一身熱褲背心,跳唱快歌《IDK》搞氣氛,其間跳得起勁,不慎跌咪!幸好她反應夠快,極速笑住執咪,並高叫全場觀眾起身,一齊接唱《喘息空間》,全場觀眾跟着起舞,一輪快歌後見Gin全身爆汗。
疫情關係,Gin開騷最感可惜是家人未能飛來港支持,她即場視像給馬來西亞的爸媽及家姐、姐夫,高呼「好掛住你哋!」並直擊現場觀眾熱鬧狀況。Gin媽媽即說:「好正呀,加油。」爸爸則說:「我哋雖然來不到現場,但同樣大力支持你。」一家人互相預祝聖誕快樂。音樂會尾聲時Gin感謝歌迷十年來將她由平凡女孩子變成不平凡的人,約定大家之後十年一齊喊一齊笑及下年音樂會見。
完騷後Gin感覺演唱會似舊友相聚,氣氛輕鬆。提到其間發生跌咪小意外,她笑說:「當下dancer撞一撞到我,我都呆咗半秒,反應唔切,嚇一嚇再執咪,都算處變不驚。」由於今次場地只能容納一千多位觀眾,Gin計劃明年踩紅館再開騷,滿足歌迷及好友,盼望屆時家人可以前來捧場。Gin一直盛傳有位富貴男友低調拍拖,她只肯透露所有男、女、大小朋友及愛錫她的人都有來支持,始終避而不談這位神秘男友。
預祝聖誕。
炎明熹來睇騷獲Fans索簽名。
接住Gin換上一身熱褲背心,跳唱快歌《IDK》搞氣氛,其間跳得起勁,不慎跌咪!幸好她反應夠快,極速笑住執咪,並高叫全場觀眾起身,一齊接唱《喘息空間》,全場觀眾跟着起舞,一輪快歌後見Gin全身爆汗。
Gin跳得起勁不慎跌咪,幸好反應快極速笑住執咪。
疫情關係,Gin開騷最感可惜是家人未能飛來港支持,她即場視像給馬來西亞的爸媽及家姐、姐夫,高呼「好掛住你哋!」並直擊現場觀眾熱鬧狀況。Gin媽媽即說:「好正呀,加油。」爸爸則說:「我哋雖然來不到現場,但同樣大力支持你。」一家人互相預祝聖誕快樂。音樂會尾聲時Gin感謝歌迷十年來將她由平凡女孩子變成不平凡的人,約定大家之後十年一齊喊一齊笑及下年音樂會見。
Gin在台上即場視像給馬來西亞的爸媽及家姐、姐夫。
約定大家之後十年一齊喊一齊笑。
完騷後Gin感覺演唱會似舊友相聚,氣氛輕鬆。提到其間發生跌咪小意外,她笑說:「當下dancer撞一撞到我,我都呆咗半秒,反應唔切,嚇一嚇再執咪,都算處變不驚。」由於今次場地只能容納一千多位觀眾,Gin計劃明年踩紅館再開騷,滿足歌迷及好友,盼望屆時家人可以前來捧場。Gin一直盛傳有位富貴男友低調拍拖,她只肯透露所有男、女、大小朋友及愛錫她的人都有來支持,始終避而不談這位神秘男友。
Gin避談富貴男友。
其中一位參賽者追問張敬軒:「我想問吓你着泳衣條數幾時找?」軒仔回應:「我話俾你聽我操緊呀真係!」
張敬軒、Gin Lee李幸倪、泳兒(Vincy)、黃明德(Dark)、黎展峯(Andy)及洪助昇(Aiden)日前到海洋公園出席《EEG電笠人人和音校園巡演》,劉若寶(Polly)擔任當晚MC,活動邀請了南區七間中學的學生及一些低收入家庭入場欣賞演出,目的是希望透過歌手分享自身經歷,鼓勵學生積極面對問題及認識自己,面對疑難時,總會有方法解決及抒發的途徑,他們並不孤單。
《EEG電笠人人和音校園巡演》。
Polly劉若寶
六位歌手除了唱歌,更與觀眾大玩遊戲,台下觀眾反應熱烈。壓軸出場的軒仔除了唱出《隱形遊樂場》及《青春告別式》,更帶來小手信送給現場觀眾,「今年我發行咗一款月曆,有我嘅玉照。」隨即引來全場起哄,而站在軒仔身旁的Vincy出奇不意一句:「係咪着泳衣㗎?」觀眾又再次嗌爆場館,這時其中一位參賽者乘機追問軒仔:「我想問吓你着泳衣條數幾時找?」全場大聲歡呼,軒仔回應:「咁多人記得㗎咩?我話俾你聽我操緊呀真係!」
軒仔遭參賽者追數,「我想問吓你着泳衣條數幾時找?」
去到問答環節,有學生問軒仔,自己於社交平台跟人嗌交,但其實他只是想表達自己真正觀點,卻被人攻擊,十分激氣,軒仔認為Social Media已經是我們生活的一部份,是一個讓人發表自己意見的地方,「每一個人都有自己嘅觀點、有自己想講嘅說話,只要唔係好傷害到人,我覺得係應該要互相尊重。我覺得學識去聽人哋嘅說話或者接納人哋嘅意見、學識思考,就算佢講嗰樣嘢唔係自己所認同,都要嘗試去認識,『哦!原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」
軒仔與學生分享表達自己真正觀點,以及決自己不開心的方法。
軒仔分享解決自己不開心的方法就是幫助別人,「好多嘅小行為、好多嘅善事你都可以嘗試去做,因為你發現原來喺幫人哋嘅過程當中可以療癒到自己,『勿以善小而不為』,你對你鄰居、對屋企人、對身邊嘅同事、朋友,伸出你嘅援手,你會發現原來自己嘅價值就係喺嗰啲地方體現,而唔係發幾多脾氣、喺網上鬧人,所以希望大家同我都一樣喺日常生活當中、喺呢個修羅場裏面,好好咁提升自己嘅智慧,搵到一個屬於自己嘅遊樂場。」
Gin當晚唱出新歌《Diff.》及《企好》,兩首歌曲亦十分正能量,她認為聽歌是一個很好抒發負能量的方法,有學生問到因為自己想成為youtuber,但父母想他找一些比較踏實的工作,令他十分懊惱,Gin隨即分享自身經歷,「鍾意同擅長係兩樣嘢。如果十個有九個人都話你唱歌好叻,咁就有好大嘅可能你係唱歌好叻,如果你好鍾意唱歌,但得一個人話:『嗯……都可以吖。』咁你就要諗一樣嘢係咪未必啱自己呢。』」
Gin唱出新歌《Diff.》及《企好》。
Gin續說:「好似我想做歌手,一個我好尊敬嘅一位音樂人佢同我講:『你唔應該做歌手,如果你要做歌手,就唔該你廢咗你全身嘅武功,重新學過啦!』嘩!呢一個feedback來自我一個好尊敬嘅音樂人,我聽到嘅時候傷心咗好幾日。我好想去證明俾我得或者唔得,所以我透過自己嘅努力去搵答案,俾個時限自己,如果做到嘅話,咁我就搵到個答案;如果試咗好一段時間都未得,咁我又要再諗一諗呢條路係咪啱自己呢?呢條路其實係好漫長,需要好多毅力、堅持、耐性,當你想放棄嘅時候,你再諗返起你嘅初心。」
Gin又分享自身經歷。
另外,有學生問到,自己經常被誤會「好串」,其實只是不想說話,但又不想解釋,問應該怎樣做。Vincy即道:「好似講緊我咁嘅?」原來她入行初期都遇過這情況,「有啲人認識咗我之後,同我講返以為我好有距離,但識咗我之後原來我都唔係真係咁串,我又覺得幾好,因為當對方深入了解咗你之後就會有個反差。所以我覺得你唔需要去解釋,唔一定個個人都鍾意你,最緊要係你嘅心態,只要你自己覺得其實我個人係唔串嘅,咁就已經好足夠,唔需要迎合別人,做返自己。」而Andy及Aiden則表示會透過做運動來紓緩壓力,Dark感到有壓力時便會寫歌,在歌曲中表達一切。
Vincy分享入行初期被被誤會「好串」的情況。
Aiden洪助昇
Andy黎展峯
Dark黃明德
大合照