張偉文開騷三度爆喊 72歲姚煒出山一口氣唱六首歌

依然靚聲！

68歲的「靚聲王」張偉文於4年前因腰椎病不良於行要坐輪椅代步，不過仍堅持自力更新，他相隔兩年多再開騷，昨晚（20日）於文化中心舉行首場《友情有義演唱會》，置身「王座 」嘅張偉文由兩位型男推住出入舞台，除了由歌手好友方俊（Aman）從旁傍到實，照顧周到外，跟張偉文相識多年嘅老友顏聯武及「環星一哥」尹光亦擔任演出嘉賓，而有40多年沒有正式演唱的姚煒，亦出山拔刀相助，加上fans熱情掌聲，令張偉文表現激動，出場唔夠五分鐘，一開始演繹《每當變幻時》就爆喊，更三度泣不成聲，相當催淚，他淚如雨下說：「多謝支持，我會唱落去！」觀眾掌聲雷動，張偉文抹乾眼淚後破涕為笑，再說：「多謝你哋，經過今晚，原來我好眼淺！」司儀安德尊帶領全場觀眾大力拍掌支持，兼且齊聲大叫「靚聲王」，𠱁到張偉文係咁笑。亦有觀眾在台下大叫：「你好靚仔呀！」

好友方俊卜心卜命從旁傍到實張偉文。

方俊卜心卜命似足契仔

當晚張偉文演繹了多首經典歌，包括《故鄉的雨》、《舊夢不須記》、《上海灘》、《風雲 》等，又跟Aman合唱《沉默是金》及《明日之歌》，安德尊指兩人似足兩父子，Aman為張偉文可以卜心卜命，隨傳隨到照顧周到，Aman笑住指係緣份，因為大家熱愛唱歌才走在一起，喺軟弱時候互相支持及鼓勵：「只要付出少少時間，帶畀對方開心非常值得，我同觀眾一樣永遠支持張偉文。」至於顏聯武話喺張偉文身上學到好多嘢，笑言包括英文，又笑指兩人愛聚埋講是非。

司儀安德尊帶領全場觀眾大力拍掌，兼且大叫「靚聲王」。

姚煒爆趙式芝同樣患腰患

另外，72歲嘅姚煒出場時獲歡呼聲，她演繹主演嘅《金大班最後一夜》主題曲、《你是春日風》、《愛神的箭》、《夜上海》、《樓台會之六》，接住再跟張偉文及方俊合唱《戲鳳》，唱足6首歌。她說：「我實在鼓起勇氣出嚟，就算唱得唔好都要企上台唱歌嚟支持張偉文。」

方俊大展歌喉，唱功獲讚。

Aman大讚姚煒姐有超水準表現，而且造型好靚。不過，姚煒暫時冇復出幕前打算，現階段主力傳福音。

張偉文三度感動爆喊，泣不成聲。

原來姚煒囡囡趙式芝也是觀眾，姚煒指女兒去年開始有腰患，但未敢接受手術，暫時先做物理治療，所以更加體會張偉文苦況。

張偉文台上「登基」。

好友方俊和張偉文情如父子。

姚煒出山唱足首歌，卻未激發歌癮。

尹光、方俊、張偉文、環星老闆張國林、顏聯武、姚煒、莫旭秋謝幕。

姚煒囡囡趙式芝有來捧場。

顏聯武除咗係下半場大會司儀，仲演繹《新變色龍》。

張偉文由兩位型男推住出入舞台。

肥媽及黑妹姐到後台打氣。

張偉文感觸落淚。

方俊將於4月15日在北角新光戲院大劇場舉行演唱會。

方俊在71歲「靚聲王」恩師張偉文鼓勵下，月前已推出首隻單曲《鼓舞》，歌頌友情可貴，並為曾遇挫敗或受疾病煎熬的人打氣，帶出正能量，見於新歌反應不錯，方俊再於下月15日，晚上七時半在北角新光戲院大劇場舉行《方俊燃亮愛演唱會》，他並會將部份門票送贈視障人士及其家屬來「燃亮愛」，讓視障者都有機會感受及聽到音樂會，將對恩師張偉文的愛傳遞下去。

黃偉文欣喜得悉方俊舉行個人演唱會，勉勵方俊要做到最好，親口應承到場支持。

人情味濃濃，方俊偕張偉文出外，沿街市遇上熱情粉絲問候支持，祝「靚聲王」身體健康，更祝方俊演唱會good show！

好有善心的方俊照顧張偉文不遺餘力，他一直希望能舉行充滿愛心的音樂會，今次處男演唱竟能夢想成真，他說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」

《方俊燃亮愛演唱會》海報

近日方俊忙於新歌及個唱做宣傳，仍不忘抽空到老人院探望張偉文及陪他飲茶。當偉文得知方俊開騷時表演興奮，叮囑他要做到最好，唔好失禮師傅。方俊乘機追問師傅：「偉文，你會唔會嚟撐我呀？會唔會嚟睇我騷呀？」張偉文即碌大雙眼精靈回應：「會！我唔嚟聽點撐你呀！」張偉文唔排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」語畢，張偉文技癢，即興唱半首《訪英台》， 唱得有板有眼，仲有埋造手功架，好有睇頭。

張偉文近年雖然患上認知障礙症，但也加入為方俊新歌《鼓舞》和音行列。外出期間，沿街及食店內有唔少fans上前問候及支持張偉文，希望偉文身體健康可以在網上唱多啲歌，更祝方俊演唱會good show。另外，音樂會嘉賓還有方麗盈、王美蘭及神秘殿堂級天后，門票在3月8日公開發售。

茶餐廳遇到粉絲爭相拍照。

方俊近期忙於新歌及演唱會宣傳未能前往探望偉文，日前方俊相約偉文茶敍，偉文威迫方俊演唱會一定要做到最好，叮囑完後笑逐顏開，非常高興！