盧慧敏聖誕前夕任一日店長 自製聖誕咭傳遞愛意

為慈善出心出力！

盧慧敏（Amy Lo）日前於中環置地廣場的Make A Wish慈善籌款活動中擔任一日店長，為重病病童圓夢。首次公開出席籌款活動，Amy非常開心，更吸引了一班忠實粉絲到場支持，當中年紀少少的小粉絲更高舉燈牌，不斷在場大嗌「Amy好靚女！」，逗得Amy哈哈大笑。

盧慧敏（Amy Lo）為慈善擔任一日店長，喜獲不少市民捐款支持。

現場反應熱烈。

慈善義賣當日現場反應熱烈，有不少市民更主動前來捐款，Amy說：「今次係我第一次做慈善義賣活動，好開心，因為自己一向都好想用自己力量去影響大家，所以能夠參與係超級開心，希望大家都支持。雖然我唔係好重儀式感，但係我都好鍾意聖誕節，因為係一個普天同慶嘅日子，我好鍾意一個故事，就係以前打仗嘅時候，一到平安夜同聖誕節，大家都會放低武器，所以我覺得呢個日子係充滿愛，希望透過呢個活動同大家一齊感受吓呢個溫馨嘅節日，大家一齊做啲有意義嘅嘢。」

為慈善出心出力。

Amy戴上聖誕鹿的可愛頭飾，甫士多多。

聖誕佳節，Amy總會跟所愛的人一起度過，今年聖誕節雖然要在工作中度過，不過也必定抽時間跟家人共聚天倫，Amy說：「以前細個會去唱聖詩，大個咗就少咗，寧願stay home同屋企人一齊過，會好溫馨，我會好珍惜同家人相處嘅時間，所以都會留喺屋企。我哋每年都會佈置聖誕樹，因為可以一齊做，好enjoy。聖誕節屋企人都會整啲家郷嘢，好期待食到媽咪整嘅home town甜品，類似一啲甜嘅飯、椰子布甸咁，有機會我都要學吓點整，哈哈。」

Amy出名是「心靈寶寶」，無論是家人與朋友均着重心靈交流，聖誕節她更愛製作小心思送給最愛，她說：「我每年都會寫聖誕咭，因為收到聖誕咭已經係越嚟越難得，我自己都好鍾意收到，所以想人哋做嘅話，自己都要做，我有呢個習慣。平時會收到好多sponsor，佢哋都有好靚嘅包裝，自己都唔捨得扔掉，所以會剪咗可以用嘅部份重用，聖誕咭剪剪貼貼好好玩。」

2022年將至，Amy之前用了一段時間整頓自己，為邁向新一年進發！Amy說：「嚟緊一年都會想不停嘗試、學吓新嘢，之前整頓自己用咗一段時間，希望可以用喺工作上，因為自己係一個好鍾意工作嘅人，任何工作都願意嘗試。」

Amy透露聖誕節會製作小心思送給最愛。

盧慧敏在《叠影狙擊》中變身女殺手，人生第一次埋位演武打場面就要拿起手槍在街頭駁火，還狂跑幾條街追殺目標。

長腿美女盧慧敏（Amy）在梁家樹及謝穎擔任總監製的電視劇《叠影狙擊》裏，搖身一變女殺手，這是她人生第一次埋位演武打場面，拿起手槍在街頭駁火，還狂跑幾條街追殺目標，40吋長腿飛踢動作，非常有型，不過Amy自爆首日開工才發現疑似患上「跑步困難症」，跑姿古怪，更自嘲似蟹又像馬，為了跑得靚和穿高跟鞋跑步，急請武術師傅上課「惡補」！

盧慧敏在《叠影狙擊》中變身女殺手。

Amy笑言：「第一日埋位拍動作場面，亦係我人生第一次動作場面和揸槍，好興奮，可以試新嘢！我角色係女殺手，由表情、姿態，同埋處事方式都好有型、狠和果斷。我慶幸今日未有太多動作場面，淺嚐一下，最開心發現自己好多缺點。首先我有『跑步困難症』，唔可以跑得好有型，可能由細到大，我只會喺危急關頭先至會跑，當然唔會理儀態和儀容，所以今日就發現自己跑起嚟，跑姿好似一個蟹和馬溝埋嘅生物，真係要好好改善。」

Amy人生第一次埋位演武打場面。

亦是人生第一次揸槍。

Amy好興奮可以試新嘢！

其實最大挑戰是穿高跟鞋跑步，Amy說：「我做Model或平時工作，經常著高踭鞋行和企，雖然唔可以話係乜嘢『強項』，但至少習慣晒，一定無問題。不過今次拍戲要『跑』就係一大學問。需要平時唔用嘅肌肉幫手，先至可以好穩陣和做出有型跑姿，我真係要搵武術師傅再研究和上堂學習。」

不過，原來對Amy來說，最大挑戰是穿高跟鞋跑步。

Amy自爆疑似患上「跑步困難症」，跑姿古怪。

戲中，Amy與黃宗澤有不少對手戲，她感謝對方的耐性。「多謝黃宗澤同導演，佢哋對我好好、好有耐性。我無乜拍戲和武打經驗，但因為時間緊逼，未必每次都一齊睇playback（回看），好依賴大家嘅信任。」Amy感謝他們指出她的缺點，讓她對症下藥，好好改善。她說：「佢哋好仔細咁同我講解，我做得唔夠鮮明，鏡頭前講求好高嘅清𥇦度，動作要好利落。少少似音樂，每一個動作都好似打一下拍子，要好清楚，呢啲全部都係佢哋經驗分享。」Amy表示得到前輩的指導，好感恩，「真係好寶貴，我由零開始，好需要實戰經驗。見到自己嘅『不足』，先可以進步。過咗今日我又進步咗，我鼓勵每個人嘗試多啲認為自己覺得好困難、好辛苦嘅事，要一日比一日強！」

Amy與黃宗澤在劇中有不少對手戲。

Amy感謝前輩們指出她的缺點，讓她對症下藥，好好改善。