馬國明恨中六合彩多過攞視帝 睇好大熱譚俊彥

對獎項隨緣！

馬國明、劉佩玥及江美儀等人，昨晚出席TVB新劇《隱形戰隊》煞科宴，今次是由幾位主角和監製齊齊夾錢慰勞一眾台慶幕後。馬明正忙於拍攝另一部新劇《法言人》，收工後才急急腳趕到，他稱《隱》劇是他從演以來最多動作戲的一次，比早年的《少年四大名捕》還要多，但由於他在開拍前2、3個星期才收到通知，因此未能積極操練以最fit身形上陣，慶幸平時有踢波體能還算可以，馬明笑說：「保持體能比較重要，因為動作戲好攰，拍攝時堅持每日跑一小時加強體能。」

馬國明指《隱形戰隊》有大量動作戲。

不過幸好馬明平時有踢足球，體能應可應付。

憑《星空下的仁醫》入圍「最佳男主角」最後5強。

談到馬明憑《星空下的仁醫》入圍「最佳男主角」最後5強，他笑謂：「都唔知點解入到5強，唔係招積，入圍係隨緣，今年入圍名單好平均，冇話邊個比較突出，我覺得係睇邊個好彩。我就看好Shaun（譚俊彥），佢好有人氣，估唔到可以同《魷魚遊戲》主角咁似樣。」馬明指之前看過譚俊彥的十八年後的殺人告白》，覺得他有演技，只欠好時機，而剛巧今次正遇到好時機，得獎機會大。

馬明睇好譚俊彥有機會奪得視帝。

馬明坦言希望中六合彩，若中了再考慮是否跟靚湯結婚。

《隱形戰隊》昨晚在銅鑼灣搞煞科宴。

自己不想奪視帝？馬明謂：「我就隨緣，有時要講luck（運氣），我想中六合彩，聽講有4,000萬，最好冇人中，下期我中5,000萬。我好知足的，我仲有呢個夢想，中獎就唔使拍住，可以放長假。」若中獎不是第一時間和湯洛雯結婚？，馬明笑言：「到時再諗，中咗再諗點搞，希望有呢個luck畀我啦。」

劉佩玥

江美儀

馬國明恨中六合彩多過得視帝 對獎項隨緣反睇好譚俊彥

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。