被黎耀祥眼神震懾住 朱敏瀚偷師學演員修養

朱仔最開心是能跟視帝黎耀祥合作。

朱敏瀚過去一年憑演技獨當一面，在兩部台慶劇《拳王》以及《換命真相》中，分別與兩位好兄弟張振朗和譚俊彥有不少對手戲。今次有兩部劇集接連推出，令觀眾對朱仔有更深刻的認識，也令他感受到一次明顯的進步，分別接受了不同的挑戰，朱仔表示：「《拳王》本身是比較沉重，為了這次角色我和振朗以及一眾演員準備了一年，因為想表現出與《反黑路人甲》不同的體形，所以不想hea，當時是畀心機每星期操足七日，每日食1kg雞肉，要做到身心都準備充分。」

朱仔除再次與振朗兄弟檔拍住上，今次最開心是能跟視帝黎耀祥合作。童星出身的朱仔對拍劇都頗有經驗，但未想到會有被黎耀祥的眼神震懾住，而祥仔更送書給他，令他對劇本有另一番看法，笑說：「其實今次打拳同時，也培養了看書的習慣，因為吸收文字後去想像對演員是重要的修養。」他形容有點走火入魔，與振朗分別挑戰《易經》及《孫子兵法》，十分hardcore！

朱敏瀚最開心能與黎耀祥合作，更視對方為學習對象。

而今次最辛苦的部分，朱仔形容是增磅，鍛煉前體重150磅的他，經過增磅後再脫水，驗收時足足有170磅，增加了20磅純肌肉，過程中他與振朗及有份參演的關曜儁三人拍住上才成事。為方便日後演出，仍積極保持身形，直言過程太辛苦很難再次從頭開始。

鍛煉前體重150磅的朱仔，經過增磅後再脫水，驗收時足足有170磅，增加了20磅純肌肉。

朱敏瀚雖然只有一場擂台戲，但最後衝刺時都拼命甩水望達至最佳狀態。

至於在《換命真相》中，朱仔則有更多方面的嘗試：「雖然劇集題材有點沉重，但我演出的戲分，氣氛相對來說較輕鬆，Shaun（譚俊彥）給予同劇的拍檔很大自由度，我的角色也有空間容許做喜感演出，所以我們不時都有略為改動對白，加入了很多我們自己的元素，好似我們有很多屋企的戲，所以我選擇以孖煙囪及背心的造型，有家居感演Hehe戲也比較搞笑。」而朱仔的喜劇演出亦令觀眾大讚，問到往後想再挑戰哪類角色？受到黎耀祥影響的他表示：「想演奸角、令觀眾會同情、有同感的角色，另一個目標是祥哥擅長的貼地小人物和梟雄角色。」

朱敏瀚在《換命真相》中同譚俊彥好多互動都好抵死。

終圓夢飾演機師（正機長）郭啟光Captain K的朱敏瀚（朱仔），劇中有不少揸飛機場面。

香港機場管理局全力協助，由陳耀全監製、黃偉強擔任編審的《飛常日誌》，由1月15日起、逢周一至五晚八點半翡翠台播映，主要演員包括馬國明、蔡思貝、劉穎鏇、朱敏瀚、高海寧、洪永城、吳偉豪、戴祖儀、郭柏妍及徐榮等。終圓夢飾演機師（正機長）郭啟光Captain K的朱敏瀚（朱仔），劇中有不少揸飛機場面，據知相關場口都是在香港國際航空學院及國泰城的飛行模擬器取景，對於有幸可以體驗操作飛行模擬器，朱仔受訪時說：「兩個模擬器都好像真，所有嘢基本上同真嘅飛機一模一樣，模擬器投射出嚟嘅畫面都非常像真，可以模擬出唔同嘅天氣狀況，原來一部飛機入面真係非常多掣。」

朱仔大讚飛行模擬器非常像真

再次感激麥大力貼心幫忙：佢專登過嚟睇吓有咩幫手

講到拍攝操作飛機場口難度，朱仔坦言：「整個拍攝過程都有導師現場指導，喺拍攝前10分鐘，盡量導師講一次我就做一次，好考短暫記憶，我記得第一次操作模擬器時，導師都話我好有潛質，佢事後派咗張卡片畀我，叫我試吓去考飛機師，話我應該冇問題，我就搞笑同佢講如果我撈唔掂演員就會去試吓！」該導師更正正是傳聞中現實版的《衝上雲霄》Sam哥，朱仔笑言：「好開心遇到佢，可以得到佢短暫嘅教導！」另朱仔再次特別鳴謝機師好友麥大力：「我知道要演機師時，已經問定佢有咩要準備，同埋去到拍模擬機艙嗰日，佢都專登過嚟搵我睇吓有冇嘢幫手，佢真係好有心，同埋我劇中一啲揸飛機嘅術語，都係佢幫我執。」

佢仲獲傳聞中現實版《衝上雲霄》Sam哥大讚有天分做機師。

朱仔機師Look真係好型仔。

朱仔訓練期間大家合照留念。

其實今次除了朱仔能一圓飾演機師夢，飾演中央控制中心值班經理楊尚偉的馬國明亦算「半圓夢」，原來他大學畢業後曾向香港國際機場應徵工作，馬明受訪時笑言：「我大學讀書時係主修機械工程，所以畢業之後都寄咗好多信去搵工，其中一封真係寄過去機場，嗰個Apply嘅職位係關於飛機工程。」雖然馬明最終沒有進入機場工作，轉戰娛樂圈踏上視帝之路，但對於兜了一大個圈後竟能透過拍劇在機場「上班」，對馬明來說也算半圓夢，馬明說：「做演員可以嘗試到好多唔同嘅新事物，好開心可以喺中央控制中心（IAC）拍攝，置身嗰度嘅感覺真係好震撼，大家到時睇劇就感受到。」

馬國明飾演中央控制中心值班經理楊尚偉，原來佢曾經去信機場應徵，今次終於入到機場拍攝，都算係半圓夢啦！

馬國明話喺IAC實景拍攝覺得好震撼。

馬國明話喺IAC實景拍攝覺得好震撼。