麥美恩演為食衰神有苦自己知 馬貫東奉旨整蠱謝雪心

《愛上我的衰神》將接棒《拳王》於12月27日（星期一）晚九點半首播！

TVB新劇《愛上我的衰神》以跨越維度的奇幻愛情做主線，雖然只有短短十集，但前五集與後五集風格卻截然不同，並會以超乎想像及創新的包裝手法，帶出不同的感人貼地小故事。

觀看相關影片按連結：https://youtu.be/nblmNq7yUjY

劇中演員除了男主角陳北河（胡鴻鈞飾）及女主角小渝（陳嘉慧飾）外，一班綠葉亦各有特色及精彩之處，今次要說的是與小渝一樣、在第二維度人生管理局工作的兩大衰神代表—包秀玉（麥美恩飾）及Santino（馬貫東飾），二人劇中更是歡氣冤家。

麥美恩同馬貫東飾演嘅衰神，係歡氣冤家，但其實佢哋有時候又會係合作關係，聽落係咪好複雜呢？

包秀玉最大特點是超級為食，因而經常違反第二維度規條，鬧出不少笑話。不過，美恩笑言做食神其實有苦自己知：「當時我要keep fit，所以拍起上嚟好考演技。因為要演到好滋味咁，同埋要扮個口keep住有嘢食，變咗依家練到可以一路食嘢、一路好清晰咁講對白。除了為食，包秀玉亦相當兇狠，美恩早前接受無綫娛樂新聞台訪問時，坦言長期口黑面黑令其相當疲累：「每日收工眼皮肌肉都好攰，因為成日要黑臉，又要出盡力睥人。」

麥美恩個角色，絕對係離不開美食，既搞笑又可愛。

由於麥美恩個角色成日都好肉緊，所以麥美恩個眼皮相當受罪。

佢又話因為拍呢套劇嘅時候佢減緊肥，所以練出一番另類好「口材」！

Santino特色則是相當貪靚，經常以奇裝異服登場，配以「尖端」髮型，相當搶眼，馬貫東坦言相關造型相當大突破：「首先要漂足六次頭先可以做到一個全頭白髮嘅效果，短短10集嘅劇令我喺兩個月入面足足漂咗10次頭。而呢個角色最難嘅地方，係我長期都要好不可一世咁，但又唔可以令人討厭。」

馬貫東為咗呢個髮型，兩個月漂足10次頭髮，夠晒敬業樂業。

Santino劇中負責管理劇中麻煩貴婦龐楊嘉倩（謝雪心飾），愛認叻的Santino每當抽中PK任務，都定必出盡全力整蠱嘉倩，有一次更跌到一仆一碌。心姐事後坦言該場戲拍得很辛苦：「件晚禮服好重，發唔到力，游起上嚟好辛苦。」

馬貫東個角色成日都要整蠱心姐，仲要鑊鑊新鮮鑊鑊甘。

點解一個火龍果，可以令心姐驚成咁。

謝雪心飾演麻煩貴婦，啲嘴臉好正。

另外，無綫官方宣傳頻道早前播出了女主角陳嘉慧（Erica）演藝之路的成長片段，片段所見，當年的Erica相當青澀，興趣多多的她，更揚言我的志願是想成為《愛．回家》女主角，既搞笑又可愛。

無綫官方宣傳頻道早前播出陳嘉慧（Erica）演藝之路嘅成長片段。

當年佢投考訓練班個樣真係好青澀。

思想亦都好Pure好True。

觀看相關影片按連結：https://youtu.be/Po-mpasOlUU

歷代「獎老」Reunion ！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。

Super~~

由於蘭茜講嘢相對正經，即刻激發咗嘉樂嘅「口賤」神經。

「大師兄」原來係暗藏特別任務架。

林曉峰初初做第一輯時直認好驚獎門人。

林曉峰笑言首度與獎門人會面時，排場似足電影《無間道》韓琛食飯經典場口。

今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。

估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。

錢嘉樂透露未做《獎門人》之前，自己其實算是寡言的人。

蘭茜回想當年玩遊戲時係幾咁投入。

嘉樂大嘆遊戲節目幕後唔易做。

麥美恩都好記得當年姚樂怡係點樣被整蠱，仲大嘆「童年被污染」。

阿Lo仲搞笑大談自己如何成為「公司殺手」。

阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。

阿Lo重演當年點樣馬拉松式開會開到靈魂出竅。

嘉樂講嘢時係咁向上望，當時阿Lo已懷疑獎門人會唔會已經喺現場。

四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」

阿Lo嘉樂鬥扮獎門人。

阿Lo嘉樂鬥扮獎門人。

獎門人踩場！

全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。

獎門人嚟咗氣氛即時升溫。

曾展望叫Daddy，嚇到志偉即刻望錶，現場陷入一片喧鬧。