新居屋名單一出爐，市場都瞄準位於港島區、被譽為「新居屋王」的北角驥華苑，甚至有人話抽中又揀到驥華苑好過中六合彩，明年第一季接受申請，勢必「爭崩頭」！
資料圖片
北角驥華苑之所以能在眾多新居屋「靚盤」中跑出，自然有其「王者」條件。先講地理位置，有地產代理指，驥華苑地理位置相當優越，位處北角渣華道及電照街交界，正正喺東區最貴豪宅「海璇」旁邊，鄰近人流暢旺的北角匯、港運城等大型商場，附近又有「渣華道街市」，行遠一點去北角碼頭，還有新鮮海產檔。想悠閒散心的話，步行幾分鐘就去到新落成的海濱長廊及寵物公園，欣賞維港景色，生活配套相當便利完善。
資料圖片
驥華苑交通非常方便，步行4分鐘便可抵達北角港鐵站，北角匯商場地下亦有大型巴士站，海濱公園旁設有渡輪碼頭，四通八達。至於家長們最關心的校網，區內共有30所中學，7成屬英中，當中BAND 1學校共有11所，包括庇理羅士女子中學、張祝珊英文中學以及香港中國婦女會中學，難怪區內地產經紀都對這居屋盤讚不絕口。
預計將於2024年完工的驥華苑，提供248個居屋單位，以市價「五一折」定價，折後平均呎價約9950元，創居屋新高，初步建議售價介乎248萬至531萬元不等。由於海璇樓高只有18層，意味着驥華苑高層單位有機會眺望海景，絕對是平民版豪宅！
資料圖片
利嘉閣助理分區經理顧偉瀚（Rex）覺得，驥華苑甚具升值潛力，因為港島區只得少數居屋屋苑，據他所知不少有意準居屋買家，已對驥華苑虎視眈眈。與位於鰂魚涌的「貴價居屋」康山花園比較，驥華苑座數、伙數雖然不多，但Rex就話，將來樓價一定貴過康山，「因為康山無海景。」區內另一名地產經紀亦推斷，驥華苑未來樓價有望與區內私樓睇齊，甚至成為新一代居屋王。就算抽唔中向海單位，因為驥華苑背山面海，一樣可以望到寶馬山。
觀乎鄰近豪宅海璇同維港頌，呎價3萬至6萬，貴買貴賣都有得賺，成功購入這居屋王，低買高賣，隨時升價十倍，真係無得輸！
「新居屋王」驥華苑勢爭崩頭 。資料圖片
