教主曾主持《入住請敲門》。
今個聖誕節，對教主Anson Lo（盧瀚霆）而言可謂喜事連連，歌影視皆創佳績，成功衝出香港、奪得人生首個海外殊榮，兩首歌曲《不可愛教主》與《Megahit》亦已破千萬點擊，收到連番大禮的他銳意再下一城，挑戰自己的弱點，新一年竟然想再做恐怖類型節目！
網上圖片
真心付出有回報，Anson Lo以69個小時成為MIRROR成員中連續工時最長的紀錄保持者，亦是隊中單飛包攬歌影視的第一人！處男電影《假冒女團》搶先上畫，票房超逾500萬元；團隊中首位擁有個人綜藝節目《神的女主角》；復在韓國年度盛事的大型頒獎禮《2021 Mnet ASIAN MUSIC AWARDS（MAMA）》中，勇奪「最佳亞洲新晉藝人（大中華區）」獎項揚威海外；此外《Megahit》今年9月22日上架，在3個月後終破千萬點擊，比《不可愛教主》更快得到此佳績，亦是繼姜濤後，擁有兩首逾千萬點擊歌曲的第二位MIRROR成員，對此教主亦在限時動態以英文感謝粉絲：「多謝每一位，一千萬！」
網上圖片
踏入12月，Anson Lo雖然收到多份「聖誕大禮」，只是縱然是聖誕節，但他也無假放，令他更懷緬曾度過的難忘聖誕。
Anson Lo說：「聖誕節是我最喜歡的節日，時間過得好快，上一次在聖誕期間去旅行已是兩年前的事，當時是跟Jeremy（李駿傑）和Edan（呂爵安）去了日本，天氣很冷，大家都穿厚衫，街上布滿聖誕裝飾，充滿節日氣氛；但不知為何，我只想?如果是跟屋企人同行應該會好開心，反而很想念香港，那刻有突發性的home sick，令我印象好深刻。」Anson Lo與家人感情要好，去旅行會想念家人亦是理所當然，就如早前「教父」生辰，他亦在百忙中也抽空為父親慶生。
網上圖片
今年Anson Lo的綜藝節目《神的女主角》叫好叫座，曾經主持恐怖節目《入住請敲門》的他希望明年再有機會參與這類節目，他說︰「我想再試恐怖類型節目，挑戰自己的膽量，我一向比較細膽，驚的東西都比較多，我希望透過節目令自己更大膽！」問到會否考慮舉家一起參與綜藝節目、為自己和家人製造美好回憶？Anson Lo聞言興奮道：「嘩！可以的話當然好，但我估計家人應該未必肯，因為媽咪比較怕醜，家姐就經常嫌自己唔識跳舞，其實以前也有教過家姐跳舞，但她跳了幾下跟唔上就唔再學，唯獨爸爸可能機會較大，事關爸爸超級支持我之餘，還長期處於很亢奮狀態、所以估計他甚麼都肯嘗試。」
教主期待再接拍類似《入住請敲門》的節目。
MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。
《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」
Anson Lo推出新歌《深閨》。
VIDEO
觀看相關影片按連結：https://youtu.be/70vVZqVsqeg?si=9RD6my9ItvtgApW3
Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。
Anson Lo自言是住家男人。
如果鍾意一個人會好想24小時黐住對方。
對於Anson Lo來說，《深閨》所說的愛情觀與他本人很吻合。
為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」
Anson Lo揀選巴黎拍MV，全因這裡予人浪漫、Fashion又Cozy的感覺。
與《深閨》中的愛情同樣十分浪漫，又無拘無束。
被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」
雖然要巡演又要拍MV，會好，但Anson Lo坦言：「應付唔到都要應付。」
這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」
首次踏足巴黎的Anson Lo除了拍MV以外，亦有在當地遊覽。
