GM扮貓咪冧葉蒨文 林正峰慘被關嘉敏請食檸檬

林正峰對住女神勁緊張！

由C君（鄭詩君）擔任Creative Director的無綫J2，11月開始「新時段，新態度」，於黃金時段推出一連串不同風格及類型的綜藝節目。《不能只有我看到的便利店追女神食譜》今晚（30日）及明晚（31日）播出17及18集，嘉賓分別為《愛‧回家之開心速遞》的「島大女神」葉蒨文（Sophie）及曾在《盛．舞者》等綜藝節目中有出色表現的關嘉敏。本周負責「追求」女神的主持分別是曾展望（GM）及林正峰，陳國麟（Doniven）則分別單拖及夥拍正峰負責「後勤」及廚房工作。

有請「島大女神」葉蒨文！

淨係睇個樣，都Feel到GM好冧葉蒨文。

但葉蒨文偏偏係保哥忠實粉絲，仲要係情有獨鍾嗰隻。

GM使盡渾身解數，扮貓咪冧女神！

今晚播出的第十七集，GM一聽到女神嘉賓是Sophie時即表現積極，兩位好兄弟見狀即識做讓賽，GM最終贏得約會Sophie權利，他除了瘋狂講笑話外，更使盡渾身解數扮貓咪冧女神；可惜「襄王有夢，神女無心」，Sophie原來鍾情黃亞保（保哥），一見到保哥即時心心眼。至於明晚的一集，林正峰與關嘉敏的互動則十分搞笑，平時口花花的林正峰，這集「失常」地表現緊張，無論為女神夾餸或是切食物時均失手將食物飛走，獲關嘉敏大大力扣分，最後女神更爽性請阿峰堅食檸檬，場面爆笑。

另一集嘅女神係關嘉敏。

林正峰約關嘉敏食飯，表現得好怕醜。

關嘉敏自爆擇偶條件，原來最愛孝順仔！

至於向來廚藝、扮嘢兼搞笑同樣拿手的保哥，則趁佳節當前分別為兩位女神炮製「愛回家沖喜套餐」及「同你敏住倒數除夕套餐」，其中保哥為配合「愛回家」主題，更激罕穿睡衣上陣，大晒住家男Feel！雖然只是簡單的便利店食材，但保哥卻先後炮製了型格午餐肉煎蛋餅、麻婆豆腐飯、星馬海蜇撈起、西班牙海鮮飯等美食！其中最吸睛的，莫過於賣相超乎想像的「型格午餐肉煎蛋餅」，保哥除了會教大家如何用雞蛋及午餐肉砌出如此花巧的Pattern外，更會傳授如何用一張保鮮紙，煮出皮光肉滑的蒸蛋，萬勿錯過！

飲杯先啦！

林正峰對住女神勁緊張，頻頻飛甩食物！

仲畀人堅‧請食檸檬，不過最緊要女神開心。

周家怡同湯盈盈一齊講女人經！

TVB清談節目《Mayanne小喇叭》由麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。

Mayanne、GM擔任主持。

周家怡、湯盈盈擔任嘉賓。

周家怡、湯盈盈擔任嘉賓。

盈盈話阿好個造型太肉酸，仲話曾經後悔過。

盈盈話阿好個造型太肉酸，仲話曾經後悔過。

盈盈話阿好個造型太肉酸，仲話曾經後悔過。

家怡戴牙套扮兔唇，仲因此搞到崩牙。

家怡戴牙套扮兔唇，仲因此搞到崩牙。

家怡戴牙套扮兔唇，仲因此搞到崩牙。

家怡戴牙套扮兔唇，仲因此搞到崩牙。

4月12日播出的一集，Mayanne邀來周家怡、湯盈盈擔任嘉賓齊齊大談女人經。家怡和盈盈演藝生涯皆犧牲過靚樣，更是她們的代表作之一，分別是家怡在《火舞黃沙》飾演兔唇女小琴，和盈盈在《阿旺新傳》飾演李笑好，盈盈說：「呢個角色好深刻，記得嗰陣時監製黃偉聲同我講要做呢個角色，我有好多Idea，我話唔洗頭、堂眉唔抆、到時再畀個假牙我。真係試造型時，嘩，真係好醜樣，好後悔呀。」家怡則自爆戴牙套扮兔唇搞到牙都崩，並透露為了代入角色長期戴住牙套：「我連出街都戴住，我試過去便利店買嘢畀人影到！」

之後三女大談醉酒史，盈盈醉後會四圍咀人，仲試過搞到中流感。

Mayanne就勁大膽嘔落獎門人手上。

家怡都試過邊嘔邊猜枚，斷晒片上飛機返香港。

家怡教Mayanne一招應對長輩催婚。

家怡教Mayanne一招應對長輩催婚。

Mayanne話雪卵要體力同財力兼備。

盈盈當年未婚懷孕，獎門人究竟講咗啲咩呢？

Mayanne、家怡和盈盈同樣是玩得之人，Mayanne大爆曾目擊盈盈醉後四圍咀人，盈盈對此笑言：「嗰次之後中咗甲型流感，好似祥仔（阮兆祥）個女朋友畀我搞掂咗，我唔敢講番畀佢知！」Mayanne自揭有一次跟獎門人曾志偉去澳門做倒數，事後派對甫開始不久便醉到不省人事，她說：「唔夠半個鐘，已經開始嘔，睇啲嘢好模糊 ，發現嘔咗喺一個人手上，佢就係獎門人！」同樣玩到盡的家怡則自爆有一次跟獎門人到馬來西亞拍節目，在行程最後一天盡情狂歡，她笑言一邊嘔一邊和獎門人猜枚：「結果係斷晒片，喺飛機上先醒番，醒番已經開始降落香港！」

講到感情方面，37歲的Mayanne透露被阿媽瘋狂催婚，身為單身貴族的家怡笑言：「你會經過㗎喇，因為佢哋會擔心你老咗冇人照顧你。」家怡更向Mayanne傳授秘笈，如何以一招應對長輩催婚！盈盈則大爆當年未婚懷孕時，錢嘉樂曾打電話向獎門人「求助」，盈盈指獎門人當時的反應非常搞笑，並以7個字作回應！講到生兒育女問題，事業正值上升的Mayanne坦言現在未知是否最好Timing，盈盈提議她可以雪卵，Mayanne指除了身體上要配合，亦要具備一定財力，皆因雪一次卵要差不多8至10萬元不等，她大嘆：「事業上要好成功，先有能力去養呢啲卵子！」