拍《致命24小時》凌辱戲痛過生仔 湯怡畀潘燦良撻落地又狂摑

燦哥對於出手狂打湯怡，覺得非常內疚。

今年先後榮升人妻兼人母的湯怡（Kathy），在即將上映新戲《致命24小時》可謂瞓身演出，戲中Kathy被老公吳卓羲連累，搞到俾仇家潘燦良搵上門，慘遭凌辱足24小時。當中的虐打戲拍足一星期，Kathy日日俾潘燦良狂摑搞到面都腫，由梳化撻落地差點整傷腰骨，仲要冇預警下俾燦哥任瀨面，而且全部親身上陣，加上情緒起伏好大，Kathy形容直情痛苦過生仔。

觀看相關影片按連結：https://youtu.be/CHI7lYkoGeM

湯怡任潘燦良撻落地狂摑兼瀨面 拍《致命24小時》凌辱戲痛過生仔

Kathy跟燦哥16年合作ViuTV劇《瑪嘉烈與大衛系列 綠豆》演兩夫妻後，今次再碰頭竟然變仇人，Kathy要俾對方不停虐打，雖然拍攝已相隔兩年，她仍記憶猶新，「嗰場戲不得了，對我嚟講非常之痛苦，我覺得比生仔更加痛苦，因為嗰場戲斷斷續續拍咗成個星期，有時仲要跳拍，有時正常食吓飯，有時無端端畀佢打，跳嚟跳去啲情緒上好多起伏，同埋都唔夠膽太開心，無論返到屋企或者喺片場都好，嗰場戲燦哥都兩難，佢真打又唔係，佢唔打又唔係，就位又唔得，所以最尾全部真打嘅。」

戲中失明的Kathy，仲有着內衣性感演出。

狂摑勁搖​

撻落地下​

從後熊抱​

戲中Kathy整塊面被摑到又紅又腫，她強調絕非特效，「真係㗎！唔係特效㗎！」卓羲亦補充，「唔係咬綿花㗎！CG都做唔到咁靚啦！」問到被打得這樣慘，老公麥秋成會有何反應時，Kathy竟搞笑話：「可能佢想做燦哥個角色呢！？抑壓太耐嘛！哈哈！講笑講笑！我相信佢都會肉赤，始終見到自己另一半俾人虐打，我自己睇番都忍唔住係咁喊，諗起當時嘅畫面同埋好多嘢，嗰時因為太多瘀痕，特登着長抽衫長褲返屋企食飯，驚嚇親屋企人。」

打到紅腫​

示威瀨面

湯怡覺得老公麥秋成睇見她被打，應該好心痛。

聽見Kathy講，全程表現得勁尷尬的燦哥，被追問如何面對麥秋成時，搞笑答話：「過去咗嘅事就唔好再提！」但他承認最初知演殺手覺得有趣，自己從未試過這類兇殘角色，但拍落先發覺是演員生涯中最難演一場戲，「因為啲招真係度唔到，佢（Kathy）個角色又係盲，究竟邊一下抽佢，邊一下撻佢，度咗大概位置就roll機拍，好多都係即時反應，當時個腦轉得好快，潘燦良身份就怪責緊自己點解咁樣對待佢，個角色身份就覺得要打落去，內心來來回回人間地獄咁樣經歷嗰個拍攝。佢弱質纖纖一位美少女，唔忍心，真係打唔落㗎！要狠心先得，打完之後我係好內疚，扯佢頭髮、摑佢、喺梳化度拖佢落嚟，一拖佢跌咗落地，個心諗冇事嘛！但唔理住做埋先，做埋先至入院！哈哈！」

Kathy講到被虐打過程，搞到燦哥個樣內疚又尷尬。

燦哥對於出手狂打湯怡，覺得非常內疚。

不過，燦哥能放心打，只因Kathy早派了定心丸，「我同佢講，你真打真做啦！你點樣做都冇所謂，拍咗先算啦！因為好多嘢就住冇咗個感覺，又演得唔舒服，睇佢點畀我，咪點樣交番畀佢，好多動作係直接諗。不過每次一cut機，燦哥都好關心我。」但瀨塊面一幕，當時被打到暈暈哋差點休克的Kathy，事前全不知情，「我唔知㗎！導演加上去。」原來燦哥事前也不知，完全是導演葉念琛即場指揮去演，「佢暈暈哋，我又好狂咁搖緊佢，對住佢老公（卓羲）錫佢，跟住導演就喺Mon嗰邊嗌出嚟『阿燦瀨佢，瀨佢塊面』，嗰刻佢係突破咗我個人性。」

升呢人妻及人母的Kathy，強調未來揀戲都不會設限。

燦哥和卓羲有不少埋身肉搏戲，卓羲更拍到失聲。

講到戲中夫妻全部為錢反目，問到Kathy老公麥秋成身家有冇畀晒她，她笑說：「有啲嘢佢交畀我咪幫佢保管住囉！其實都係for小朋友嘅啫，哈哈！」燦哥笑Kathy幾賢妻，她即反問：「你有冇畀錢老婆（蘇玉華）？」燦哥說：「梗係有啦！佢需要嘅時候咪畀囉！(平時擺自己度？）我哋各自都好好保管自己啲嘢嘅，哈哈！」見Kathy和燦哥大講另一半，仲單身插不到嘴的卓羲坦言好羡慕，「睇到都幾幸福，都恨㗎！但隨緣啦！」

燦哥笑指老婆蘇玉華有需要會畀錢對方，但平時財政獨立。

卓羲坦言恨拍拖結婚，但一切隨緣。

Mayanne竟然收埋咗林峯嘅私人物品！

由麥美恩（Mayanne）、曾展望（GM）主持的TVB清談節目《Mayanne小喇叭》播至第9、10集，第9集難得「雙龍合體」，由林峯和吳卓羲擔任嘉賓大談Bromance，而第10集則由周家怡和湯盈盈擔任嘉賓談論熟女誘惑。

與吳卓羲暢所欲言

享受被「雙龍」夾住

難得「雙龍」合體

與林峯於《使徒行者3》結片緣

朱倩和爆Seed的師徒情觸動人心

Mayanne直言「雙龍」林峯和吳卓羲是其兒時偶像，那時的她最愛看劇，沒想過長大後竟能跟其中一位合作。Mayanne與林峯於《使徒行者3》結片緣，飾演朱倩和爆Seed並展開一段師徒之情。接觸林峰前，Mayanne直言：「他很Chok、很有距離感、很公子的感覺。跟他開工才發現他毫無架子且很有親和力。」好奇心作祟的Mayanne很想了解林峯的事業之路，「同時兼顧歌手與演員發展，中港兩邊走之餘更是劇接劇開工，究竟他是如何做到？可能他覺得我為人傻更更又無聊，就如哥哥般很樂意與我分享，其身邊人也很愛錫我。」雖然在《使徒行者3》內的戲份不多，不過Mayanne覺得此劇是一個很有紀念價值的Project，更自爆：「我的銀包內收藏了林峯一件私人物品，到底是甚麼呢？哈哈。」

拍攝《出租家人》時認識

邀得周家怡擔任嘉賓

同為獎門人家族

湯盈盈是雙職媽媽

Mayanne認為周家怡和湯盈盈都是成功女性，一位是單身且以事業為主女性藝人，而另一位則是事業家庭兼備的女性藝人。Mayanne與周家怡因拍攝電影《出租家人》而認識，她在「等埋位」時曾聽對方分析電影：「她是烙印（駱胤鳴）以外我聽過最熟悉Marvel電影的人，隨即變成粉絲聽她說對MCU的看法。她是一個懂得說故事的人，說得很動聽、吸引，」Mayanne更發現周家怡亦有很多難以想像的過去。「獎老」Mayanne與獎門人家族十分熟悉，因而跟湯盈盈經常相見，Mayanne很佩服對方：「她是一個Working Mum Artist，很多時都有苦自己知，很想聽她的故事，了解她在事業路上經歷了甚麼。」她更發現湯盈盈於年輕時跟現在很不同，想像不到她改變了這麼多。